朱慧敏今朝8點半去浸信會醫院探未婚夫Eddie，據知，噚日Eddie手部受傷，要全身麻醉動手術，今日先出院。

今次Eddie受咗傷，你哋會唔會更加珍惜對方，感情會好番，朱慧敏就話：「我哋感情好好，其實我哋感情一直都好好嘅。」會唔會如報道所講係終極分手，佢講：「我哋從來都冇講過，總之都係好朋友、好知己嘅關係。」

問到有冇復合機會，朱慧敏表示：「感情嘅事好難講，我都答唔到你一陣會發生啲咩事，係唔係先?」會唔會患難見真情，佢就話：「我哋一向感情好好，我哋關係都好好，只係由結唔結婚去到呢一步，我哋有啲問題出現咗。」咁關唔關生仔問題事，佢稱：「根本噚日個報道，我哋兩個睇完，都覺得有啲莫名其妙，從來由第一日開始，我又好鍾意小朋友，佢又好鍾意小朋友，我哋一向都有共識，講緊我係唔係有遺傳病，我都未聽過生完BB，之後就會令到癌症更加提高機會率，我自己未聽過，我諗問清楚醫生，觀眾或者讀者真係唔好盡信。 」

問及佢係唔係原諒咗Eddie，朱慧敏表示：「我答咗好多好多次，我只係覺得佢去蒲，或者成日去蒲完之後，送女仔返屋企之後，就會被人哋影到相，我係忟佢呢樣嘢，我由始到終，我由兩個月前我第一日出嚟回應，我都話Eddie我係好深信佢嘅為人，我係冇覺得佢對我不忠或者出軌，我講得好清楚，上次我對住記者都講咗，用偷食嗰啲字眼對佢都係唔公平，同埋係我講得唔清楚，當時情況都好混亂。」

朱慧敏直言：「有好多嘢，我哋都好明白，不過，結婚就唔結住，o依家咩關係，好好嘅朋友、好好嘅生意夥伴，感情事都希望慢慢兩個用啲時間去處理。」佢否認Eddie係為情自殺，認為佢哋兩個都係大人，會一直保持良好關係。

高登花生台https://www.facebook.com/2015goldenpeanut?ref=bookmarks

娛樂圈 十大惹禍上身的明星 , 全部都是那些照片呀. ..

嫁給周傑倫根本不幸福！看完妳就知道了．．．

6歲美心妹妹寫真有露內褲相 防虐兒童會指令人不安

小五女童嘗禁果懷孕, 同班男朋友仔 嚇到「喊」

轉載請註明來源：今天頭條