無綫小花楊秀惠一向予人印象是個只懂扮靚的花瓶，她坦言想抹去這個既定印象已久，有幸在早前播畢的劇集《天眼》中一改柔弱一面，破格飾演女大盜「韓晨」，她寄望將來有機會反串！面對愛情， 秀惠亦只是一個小女人，言談間能知道她是一個不折不扣的花仙子。

楊秀惠回憶《天眼》拍攝，她表示與陳展鵬的打鬥場面印象最深：「我畀人嘅感覺斯斯文文，其實私底下好粗魯、好揪得！呢套劇Show到我每一面，有一場我要 扮師奶，開心到不得了，平時生活要顧住形象唔會咁見人，喺Drama入面滿足自己嘅扮嘢癮真系好正！」她為精益求精一直鍛鍊體能，並感謝導師悉心教導，她 對成果很滿意：「我會請教佢哋點打先靚，現實中未必好打得，起碼鏡頭拍出嚟好睇，好多謝呢班老師令我打好個基礎，今次我好滿意，工作人員睇到場戲同我講： 『秀惠，真系估唔到你咁打得！』」

我愛肥膏！

除《天眼》的「韓晨」外，秀惠亦揀選了《仁心解碼》「肥妹家碧」作為代表作之一：「當然仲有四葉草，因為呢套劇我先有機會嚟香港，令觀眾認識我，到近幾年 嘅角色都令我實力發揮出嚟！至今最大嘅挑戰系扮肥妹，化妝要兩個鍾以上，落妝又個幾鍾，真系有啲崩潰。皮膚休息亦唔夠，好彩監製好錫我，畀我拍幾日就休息 一日。呢撻肥膏仲好貴，我好感恩有機會做呢個大製作！」

等機會反串

秀惠將於新劇挑戰智力發展較慢的角色，她初看劇本時曾擔心演不出神髓：「導演同監製畀好大信心我，試完造型，佢哋仲笑我根本就系做緊自己！另外我好想試嚇 扮男人，我一直畀人嘅感覺好Lady，好想有機會反串，以前袁詠儀都試過，我都想令人覺得我都有好Man 嘅時候！」曾與視帝郭晉安、鄭嘉穎及陳豪合作，秀惠笑言陳豪最搞笑，令她多次NG：「安仔成日笑令人覺得好安心，零壓力；嘉穎外表好Cool但好肯教人， 陳豪系個好好先生兼爸爸，我從來都唔知佢咁搞笑！佢將每樣嘢都變成笑話，令所有人喺充滿歡笑嘅工作環境拍嘢，同佢拍《鬼同你OT》日日都令我喪笑！」

滿足現狀

入行逾十年的秀惠坦言恨得獎，但她對得失亦相當看得開：「每年每個獎，上台攞獎嘅得一個，咁拎唔到獎系咪代表做得唔好呢？過去呢十幾年，我Overall 幾滿意，有起有跌，塑造今日嘅我！我都試過想放棄，頭幾年好辛苦，嗰種辛苦唔系一般人會知！尤其心理上嘅無形壓力，做呢行成日被當成茶餘飯後嘅話題，當時 我未識點處理，系好唔開心，慢慢開始學識調節心情，覺得你當我系話題都好吖，好過大家唔記得我！」

最愛收花

秀惠拍劇之餘亦要搞美容生意，時間被工作填得密密麻麻的她，笑言很擔心找不到真命天子：「但如果沒人要我，自己經濟又唔掂咪仲慘！」她又分享最愛的禮物， 原來她是個愛花的女人：「以前中學有Rose day，某個Club會賣花畀同學，仲會幫你送埋畀對方，可能喺你未到課室前放喺你檯，又可能上堂上到一半有人嚟敲門叫你出嚟收花，成件事好浪漫好 Surprise！讀緊書嗰時男友激嬲我，我又唔見佢，又唔聽佢電話，佢送咗99朵玫瑰嚟我樓下想同我道歉，連我阿妹都幫佢求情！我開心嘅系佢知自己做 錯，識得花心思彌補！人大咗，我仍然鍾意花，但唔會強迫對方一定要送，好簡單食餐飯，一齊喺屋企睇套戲已經好Sweet 。」

學男神周潤發做人

這月來人人都爭相「我愛發哥」，楊秀惠亦趁機向周潤發高唿愛的宣言：「我好鍾意發哥！佢由演技到個人嘅性格都系好值得我去學習！我一直都當佢系榜樣，唔需要同佢有對手戲，就咁企喺佢身後做一個臨記，我都OK ！」

轉載請註明來源：今天頭條