其實個個明星打扮明艷照人無可厚非，不過有時為搶鏡，一定要出奇招先可以吸引眼球！所以，以下打扮鬼五馬六、騎呢至極嘅明星，就算被人恥笑狠評都在所不惜，只為令人留下深刻印象的精神，實在令人欽敬！
黃夏蕙 水手服夢碎
相信每個男人都會對水手服有無限遐想，尤其飄逸裙襬下將女生長腿表露無遺，真係睇到流口水！但係夏蕙姨呢兩個水手服look，肯定將各位男性美夢破碎，皆因夏蕙姨花容實在令人巧驚驚，最慘佢仲要孭個書包仔，真係以為自己仍然係雙十年華嘅BB嘛，陰公！
金剛 翻生乜太
經常大放笑彈嘅金剛，除了以唔鹹唔淡廣東話取悅觀眾之外，更不惜以騎呢醜怪造型逗大家開心！佢曾經於某手機品牌廣告中，以成熟OL哨牙look登場，睇落造型有點似乜太喎！
謝安琪 廁板人
依家樂壇頒獎禮，歌手唔止鬥多獎，仲會鬥奇裝異服博見報！阿Kay呢個核突廁板晚裝，真係成功搶鏡！話時話，個廁板size咁細，會唔會係佢兒子張瞻專用呢？
張馨予 棉被大媽
講到騎呢，張馨予呢身東北大媽棉被look出席康城影展，最令人目不暇給！再梳上累贅又怪相嘅古裝髮型，全身打扮已驚嚇全世界！難得佢仍自我感覺良好於微博表示，造型中西合璧別出心裁，呢啲咪有天使面孔、魔鬼身材，可惜冇taste囉！
羅誌祥 反串人妖
羅誌祥曾反串扮女人，原來佢當日同幾個好友一齊BBQ，因為猜枚猜輸咗而要被罰扮女人影相，其實佢都扮得好認真，戴假髮仲化埋妝，驟眼睇唔止有啲似官恩娜，更似人妖！
佘詩曼 頸箍視後
阿佘去年憑《使徒行者》 奪視後，當晚佢穿晚裝長裙下半身冇問題，只係頸部設計好騎呢！十足斷頸後戴上頸箍一樣，咁爆笑，網友亦紛紛用此來改圖，成個果盤拚落阿佘頸上，甚至將阿佘個樣key落牛油紙包住嘅糯米糍上，創意十足！
蔡康永 雀籠上頭
台灣名嘴蔡康永於2010年台灣金馬獎行紅地氈時，穿上一身布滿黑鳥嘅西裝之餘，為配合造型，更大膽將整個鳥籠笠喺頭上，到底係藝術定騎呢，well，真係好難講！
徐濠縈 榕樹頭
自以為走喺潮流尖啄嘅徐濠縈，不時以誇張造型現身！好似呢個全黑look，配一頭好似百年老榕樹嘅鬈髮，講真修剪得好整齊，但睇落真係好似將棵樹種上頭咁搞笑！
徐濠縈 肉酸米奇胸罩
阿徐奇裝異服數之不盡！其中呢身灰色造型，驟眼睇好似冇乜問題，但近睇上身突出兩塊灰色胸墊，配合上衫cutting，好似將個米奇bra戴出嚟咁，肉酸又礙眼！
阿Bob 易服癖
阿Bob(林盛斌)不但扮阿Bob最維妙維肖，扮女人更有鋪癮！除了早前為《新地》夾胸扮武則天而被網友賜名範斌斌外，原來之前已犧牲色相！如露點凸腩相、作嘔啦啦隊「柱」女look、喪醜神奇女俠等，雖然佢說：「為咗搵食，為咗頭家冇所謂啦！」但睇完真係有好想揼佢嘅衝動！
來源
more https://www.facebook.com/pages/GAG-ZONE/1422458507983399
iPhone 6S在9月25日上市！將有夢幻粉或玫瑰金配色！
機場接機「陳奕迅」西口西面罵粉絲只會「拍拍拍！」
香港所謂「星二代」個個大模大樣 溝女,溝仔,食煙,飲酒,周街親熱乜都齊~
《海賊王》目前實力「最強前五」排名！第一名竟然是他...太意外了！
3億武則天 穿崩位逐個捉
真男人, 一定係尿兜屙尿! 入廁格既都冇資格叫「男人！」
轉載請註明來源：今天頭條