31歲嘅07年港姐冠軍張嘉兒即將同的金融才俊男友Nate結婚，兩人曾經分手，不過重遇後更珍惜對方，Nate更為女友來港生活，上月貼上婚照的嘉兒，o依家就籌備緊婚禮，不過前日已經急不及待同一班好姊妹舉行單身派對。

待嫁新娘張嘉兒已開始籌備婚禮，前日更約同高海寧、莊思明、周美欣、陳芷尤和岑杏賢等11位好姊妹到澳門舉行婚前派對，兩日一夜之旅滿載笑聲，她們還換上 三點式在泳池嬉水，眾女斗曬身材。張嘉兒昨午把派對照片貼微博，把幸福與粉絲分享。當中閨蜜又還換上黑背心襯桃紅紗裙，與婚紗look張嘉兒合照，眾女賣 萌，索爆鏡前，猶如預演送嫁場面。

記者致電張嘉兒，她興奮說：「好開心呀，好難得約齊到，大部份系我《愛．回家》嘅拍檔，嗰日大家唔使開工就去玩。」她希望留下難忘回憶，所以眾姊妹都穿了同款伴娘裝拍照留念，當然最養眼是她們換上三點式泳衣。

至於同行的莊思明也在電話中說：「我哋上星期五約埋去澳門，玩咗兩日一夜，大家都好開心。」全女班吱吱喳喳，互傾心事，同時又擦餐勁，時間轉眼就過去，莊思明續說：「我哋送咗套衫畀嘉兒，希望佢最緊要開心同幸福，老公錫佢。」

轉載請註明來源：今天頭條