TVB節目《如果這樣生活》昨晚一集有女神李佳芯（Ali），拉大隊去到西藏高原拍攝，李佳芯回望6年前由有線電視的主持，加入無綫做演員的日子，她表示當時身邊有不少人反對，最大原因是怕她會將所餘無幾的青春輸掉，但她仍然堅持一搏。「一開始點解會嚟公司？係因為真係鍾意拍劇，無收入到點樣？零囉。有段時候可以真係話係用借錢度日嚟形容，基本上銀行提唔到100蚊呢啲……我好多同事都試過。」
加入大台後，李佳芯雖然參演不少劇集，但角色不是小三就是情婦，而對於自己的幕前初吻，李佳芯至今依然印象深刻。「第一次拍劇係得兩三場戲，我係飾演對前男友狂追勐打嘅角色，搵到對方之後同佢講『我唔係無咗你』然後就係咁錫錫錫，我第一次開鏡就要咁錫，嗰時心理創傷幾大，話曬我都係女仔人家。」李佳芯口中的前男友，就是《單戀雙城》的楊明，二人於劇中一見面就是不斷親吻，對於當時還是新手得到李佳芯來說，又確是充滿難度。
對於不是做小三就是做情婦的日子，李佳芯表示：「嗰時係開心，唔會有時間唔開心。因為入到嚟，初初係真係無人搵我做嘢，心態係你搵我做小三即係有戲做啦、即係有得發揮啦，演員心態就係咁。」聽落其實都幾無奈，不過最慘嘅係當觀眾入曬戲時，會真係當你小三嚟鬧。「聽過最難聽咪就係，有啲好投入嘅觀眾會覺得佢真係好賤格、個樣都真係好狐狸精。」相信大家對李佳芯在《巨輪II》中，被吳岱融飾演的鷲哥大鬧「臭雞」都非常有印象。
轉載請註明來源：今天頭條