幫蘇永康拍個唱宣傳片！黃子華抱B 慈父上身 !

黃子華自從上年完成最後一場棟篤笑之後，就已經好少公開露面。不過，近日佢就已經重出江湖。子華最近上載咗一條湊仔短片，片中子華一手抱住BB，仲抱到好熟手咁，成個慈父樣出曬嚟！餵奶慨時候，子華一知道支奶溫度唔啱BB飲，即刻叫人再衝過添，真系成個爸爸咁呀！

現年58歲慨黃子華一向感情生活低調，不過近日佢就忽然變咗湊仔公，仲抱住個BB一齊上鏡！片中，子華好熟手咁抱住個BB，仲變曬聲氹個BB食奶嘴，望住BB個時仲流露出一臉慈父樣，Sweet到爆呀！

黃子華抱B慨時候不停甜笑，Sweet到呢

不過，眼利慨網民見到子華身後慨相就一定問「點解會有蘇永康同佢囝囝Jazz慨？」其實子華系幫蘇永康拍緊演唱會宣傳短片，子華抱住慨BB其實都系假㗎！條片喺由子華自編自導自演，片名仲以「契爺的禮物」嚟上載到Faebook，真系出心出力呀！

子華一知道支奶溫度唔啱BB飲，即刻叫人再衝過添

子華喺片入面親自幫BB「試奶」慨溫度，超搞笑

問到點解會幫蘇永康拍宣傳片，子華就笑住話：「因為佢（蘇永康）買咗間樓畀我，講明我一直可以住，住到第日個仔大再畀返佢！講真我哋真系好朋友，十幾年前喺橫店一齊開工拍戲，日對夜對，我到依家都仲記得有晚系中秋節，大好佳節得我同佢兩個人孤單度過，兩個人坐喺架黃包車上面賞月傾偈，嗰一刻我已經覺得我哋兩個應該喺埋一齊㗎啦！但系我唔能夠，所以依家咪當咗佢個仔系我個仔囉！」

子華同蘇永康其實真系好老友㗎！

子華喺片入面同現實一樣飾演契爺角色，蘇永康話子華十分錫囝囝Jazz，上契時送上富格林金幣，平日又成日送好多玩具，仲話只有子華抱Jazz先唔喊。另外，蘇永康話子華會喺佢演唱會期間代佢湊仔，問到蘇永康會唔會唔放心，佢就直言：「放心，我驚我個仔玩謝個契爺多啲。」

黃子華送金幣與「蘇康子」上契

蘇永康同太太Anita於2017年誕下囝囝蘇展弘(Jazz)。因拍劇而跟蘇永康結緣的子華神黃子華，一到訪蘇永康家中，為的當然是探下老友個仔Jazz啦！黃子華愛心爆棚一副慈父樣，更備厚禮，與Baby Jazz上契，sweet到漏！

蘇永康早前喜獲麟兒，昨日在社交網大曬好友黃子華探Baby Jazz的溫馨片段，片中見到子華慈父相盡現，情深款款望實Jazz，就如自己親生子一樣，子華一邊抱一邊微微笑謂：「見到啲BB要好忍住唔好啜埋去。」語畢便哄到Jazz面仔扮錫錫，相信子華神如果有子女定必幸福無比。

子華與Baby Jazz上契，榮升契爺，子華除了送上一套衫仔作賀禮，更大手筆送上「富格林金幣」一枚。連蘇永康亦寫道：「乜契爺咁重手？連我都未見過富格林金幣…」可見子華對契仔的厚愛。

黃子華一抱Jazz就唔喊

當年Jazz百日宴，蘇永康則指契爺黃子華在百日宴上，擔當了非常重要的角色。只要Jazz一喊，就會抱佢去子華度，當子華一抱起Jazz，Jazz就立即唔喊。仲話在場任何人都唔得，包括自己。睇嚟真系得契爺先搞得掂Jazz！眼見此狀，蘇永康都忍唔住話好懷疑子華系咪每星期去一次母親的抉擇幫手，非常搞笑。

黃子華：我兼職系做陪月

對於蘇永康指黃子華一抱Jazz，Jazz就唔喊。子華自己都話實情真系咁，仲話因為自己慨兼職系陪月。他指：「近來冇咩做，就系做陪月！」送咗背帶慨子華就話，因為Jazz大得好快，依家已經有成16磅，單手，甚至雙手抱住佢，都會好攰，所以就決定送背帶，夠曬實用。當問到依位契爺會唔會想生返個慨時候，佢就話見到Jazz已經好開心，亦都好渴望可以得閒上去湊嚇Jazz。相信爸爸蘇永康一定非常歡迎！