【同場斗靚】變性人Poyd火辣露背裝力撼人妻樂基兒！

2018-03-26

泰國變性人Poyd噚晚喺澳門出席美高梅劇院舉行盛大派對，著咗一條裙色彩燦爛，仲低胸露背，揮低同場好多真女人。

Poyd話近排拍香港電影，同張智霖、梁靖琪（Toby）、薛凱琪合作，同Toby成為咗好朋友，對方教咗廣東話「好衰㗎」、「因為我醒目女」。有冇教番泰文？「我介紹佢布吉有咩好玩同好食。」嚟緊拍一套動作電影，要揸槍。

對上一次去澳門已經係4年前宣傳電影，今日會嚟香港出席活動，好想留低睇水舞間。問到Toby有冇介紹男仔俾佢？佢話﹕「冇，佢只係教我健身。」拍攝時候遇過袁詠儀(靚靚)探班，佢話喺泰國都有睇過靚靚嘅電影，讚靚靚好nice。

名模樂基兒、Danielle、Amanda S.等都有同場，澳門出世嘅樂基兒話每次返嚟都好開心，但今次老公要工作未能同行，稍後佢會去台灣拍廣告，老公都會飛過去過復活節，造人方面有計劃但大家時間難夾，順其自然。

閱讀 4609

2投訴

5年大眼袋也能去掉？

學她，每晚睡前5分鐘，眼袋不困惱！

轉載請註明來源：今天頭條