早前誤傳湯盈盈再度懷孕，搞到所有人都以為又有喜，烏龍搞大了！不過其後遭盈盈本人親自否認。52歲藝人錢嘉樂與42歲湯盈盈結婚五年，先後誕下大女Alyssa及細女Kassidy，一家四口幸福美滿！

其實喜事又唔一定要系宣布佗B嘅，生日都可以好開心㗎！話說3月10日系湯盈盈大女Alyssa五歲生日，盈盈夫婦呢日就幫佢喺主題樂園搞咗個生日P，仲廣邀家長同小朋友出席。盈盈今朝喺IG曬相兼祝愛女：「Royal Birthday Celebration for our Beautiful Birthday Princess！5 years old already！Love you soooo much！（祝我哋美麗嘅公主生日快樂！已經5歲喇！媽媽真系好愛你！）」

相中見愈大愈似錢嘉樂嘅Alyssa，著上一身粉紅公主裙，仲戴上皇冠同戴上啡色卷假髮，真系十足公主一樣！話到明愛女生日咁大件事，老竇錢嘉樂當然要到啦！而佢同盈盈影合照時就一面慈愛咁望住阿女，真系Warm到爆呀！

至於盈盈好友鍾麗淇亦有喺IG曬相兼表示：「Happy 5th birthday to my beautiful god-daughter Alyssa！！Love you to the moon and back…（神的女兒Alyssa 5歲生日快樂！！非常愛你！ 」唔少網友亦紛紛留言：「打扮靚靚　生日快樂

」、「時間過得好快」、「女兒很像爸爸哦…好可愛呀！」

轉載請註明來源：今天頭條