何傲兒演崩壞式醜女，假哨牙留足3年：系度身定做㗎！ 

2018-02-28 

開始進入結局篇的《波士早晨》，有好多人都討論李佳芯3年前同現在完全無分別，其實劇中飾演她孖生家姐金鳳的何傲兒(Lily)，扮醜女都真係扮到爭啲認唔出，搞到有好多網友都話佢係咪被整蠱，簡直可以說是完全「崩壞」了！Lily接受訪問時笑言今次是唯一一套不用補妝的劇集，「個假髮都係用真頭髮做，副假牙都係度身定做，我仲留左黎做紀念，而家放係屋企。」

真係完全認唔出呢個係何傲兒！

Lily出名靚女！！(視覺中國)

本身皮膚好白嘅Lily為左飾演阿鳳一角，又要帶假髮，畫粗眉同變單眼皮，仲要帶住棚哨牙，但佢完全不介意，反而好樂意去做，「因為入左行一段時間，無論係劇嘅造型，或者出event都係以靚行先。靚係我地嘅本份，係鏡頭前面可能會有人話d戲要慢慢磨練，但當你未有好嘅戲之前，你都要將你靚嘅一面呈現出黎，呢行d人係咁講。有幾醜真係未試過，所以我一聽到監製叫我飾演個下，都幾恨試下。」

其實何傲兒同李佳芯一樣咁靚女！

提到在劇中飾演其孖生妹妹嘅李佳芯，長大後為了事業發展而去整容，問到Lily對於整容有咩看法時，她就認為不要沉迷就可以，「我覺得而家同以前嘅年代係唔同，其實係一樣喇，而家有好多科技令到人變靚，如果個個人係適當嘅就得，但最重要係唔好沉迷，太沉迷唔係一件好事。」身為好多網友心目嘅女神嘅Lily當然唔需要整容，她亦對於自己的外貌好有信心，「我對於自己嘅五官係好滿意嘅，當然人無十全十美喇。我自己最難嘅地方就係要減肥，因為我係易肥體質，所以要keep住先得。」她直言試過有好多方法減肥，「我而家會覺得運動好重要，寧願係運動方面著手，好過唔食嘢去減。」

早年Lily就同公司老闆林建名傳出緋聞。(視覺中國)

其實今次《波士早晨》是Lily在TVB最後一套劇集，已經離開TVB就快3年的她，已成為林建名旗下公司藝人，近年她亦積極往內地發展，最近更與內地女演員唐嫣拍劇，「今次劇集到北京同美國拍攝，所有團隊同配套都好好，多左好多見識。」至於酬勞方面，Lily笑言自己一向唔過問，指希望將來可以參與古裝劇。至於感情方面，問到係內地發展一定不乏富二代追求者，Lily直言仲係單身，「我而家都係努力工作，唔諗呢啲。」

閱讀 3073

Vingis yam

何傲兒靚過李佳芯好多,睇戲時總覺得好熟,想不起,原來系何傲兒。靚女一個,她如果拍偶像劇不錯。

美女之所有有信心扮丑，真心對比太明顯~哈哈~

原來是她

2小時前 

以上留言由公眾號篩選後顯示

了解留言功能詳情

轉載請註明來源：今天頭條