離巢最後一部扮醜女！何傲兒首次坦露心跡~！ 

2018-02-28

無線熱播劇集《波士早晨》中藝人何傲兒「自毀」犧牲靚女形象，以醜女形象扮演李佳芯妹妹，令不少網民紛紛討論，正反兩方各持己見，有網友指見到何傲兒扮演醜女竟然話食唔落飯，亦有網友為佢抱不平：「咁樣醜化傲兒好似好唔抵，感覺系咪有心整蠱人！」

平時出席活動靚靚示人嘅何傲兒，不介意公開扮丑的過程，仲見佢開心曬V，似乎好享受做醜女角色！

角色令傲兒內心成長

今次引起網民討論，何傲兒接受訪問話好多謝大家，會繼續努力，她說：「一定系多謝無綫同監製畀一個咁好嘅機會我，令我演技同扮相都有更大突破，其實呢個角色令我內心成長咗好多，好多謝網民關注，仲收到好多朋友叫我繼續加油，無論自己身在任何崗位同位置都會繼續努力。」

離開無綫前最後作品

講到《波》劇系何傲兒離開無綫最後嘅作品，依家睇番系咪感觸良多？她說：「當然有啦，始終喺呢個大家庭屈指一算都有八年，我仲記得離開公司嘅最後一日，自己都仍然拍攝緊呢部劇，最深刻就系拍緊最後一個鏡頭，眼淚喺心裏面流出來，其實同劇演員都唔知我系最後一日，除咗監製之外。亦系因為呢個角色咁特別，令我更加確定自己系好鍾意演戲，所以我好愛『阿鳳』（指角色名）。」

何傲兒話雖然離開了無綫，但仍然都有同同劇嘅演員聯絡：「套劇出街之後自己有睇番開工時同大家影嘅相，又諗番起工作時嘅點點滴滴，覺得好溫馨同開心，忍唔住Send番相畀佢哋，都希望我哋喺唔同嘅崗位都搵到發揮自己嘅空間啦！」

閱讀 3621

5投訴

廣告

活動推廣 

精選留言

寫留言

佳心糖

演的是李佳芯的姐姐好不好啊

印象最深刻就是畢打自己人太子女

41分鐘前 

以上留言由公眾號篩選後顯示

了解留言功能詳情

文章來源: https://www.twgreatdaily.com/cat125/node1853998

轉載請註明來源：今天頭條