TVB無綫熱播劇《平安谷之詭谷傳說》話咁快聽晚就大結局，唔少觀眾都知道今晚第19集會有徐榮飾演的山賊殺入平安谷，而原來徐榮同平安谷唔少人都曾有過段段恩怨情仇，同鄭子誠、韋家雄、朱晨麗同簡淑兒等人都有關係。其中最爆都係簡淑兒，佢竟然係徐榮個外孫女？鄭子誠係徐榮女婿？

《平安谷》劇情預告

《平安谷之詭谷傳說》今晚嚟到大結局前最後一集，劇情主要講到徐榮飾演的山賊終於出場，佢喺阮兆祥幫助下入侵平安谷，之後徐榮等人大鬧一番，喺村民面前羞辱同鞭打村長劉江，仲叫手下非禮陳凱琳及其他(靚)女村民！

村長劉江平時大曬惡曬，不過今晚就會被徐榮玩到殘，徐榮之後更癲到逼黃浩然斬劉江隻手！究竟會最後會點呢？

平安谷上上下下都俾班山賊玩死！成班女人要變曬舞女…

韋家雄係徐榮舊部

不過原來徐榮同平安谷唔少人都曾有過段段恩怨情仇，其中擔任保甲的韋家雄，當年係同徐榮屬同一個組織，但韋家雄覺得徐榮殘暴不仁，於是離開組織去到平安谷生活。

朱晨麗救過徐榮

另一個關係人物係朱晨麗。原來當年朱晨麗做歌女時曾救過徐榮一命，所以徐榮入谷亦待佢不薄；而被關進牢房的朱晨麗，亦懇求徐榮唔好打平安谷婦女主意！

簡淑兒係徐榮外孫女？

不過講到最驚喜一定係簡淑兒，原來佢其實係徐榮的外孫女！話說簡淑兒爸爸鄭子誠當年同徐榮個女私奔，而在妻子死後，鄭子誠就改頭換面躲在平安谷。之前一集鄭子誠獸父上身，對個女虎視眈眈，今晚就會被徐榮打至半死！

轉載請註明來源：今天頭條