太陽娛樂老闆周焯華（洗米華）、正印Heidi同Mandy Lieu呢個三角關係，真系比處境劇仲要長篇，雖然中間加插咗松岡李娜呢個新歡，有傳Mandy Lieu嘅地位不保。

點知轉個頭又有網友爆料，今年8月喺英國見到洗米華同Mandy Lieu行街街，佢話其阿姨見到Mandy肚凸凸，疑似已經懷住洗米華嘅第3胎！

雖然事後又有相片流出，聲稱Mandy同洗米華去咗朋友一個婚禮，當時見到Mandy身形出奇地Fit，一啲都唔似有咗BB，點知事隔唔夠兩個月，有傳媒話原來Mandy喺今年9月為洗米華生多咗個囡囡。

英國一間攝影公司網站搵到Mandy Lieu抱住初生嬰兒，與洗米華嘅一家三口照片。相片有兩輯，一輯應是Mandy仍在醫院，戴著手帶、化曬妝抱B與洗米華合照；另一款系黑白圖，包括Mandy錫洗米華、洗米華鍚Mandy額前，同埋兩人齊齊錫BB，乜嘢組合都有齊曬。

洗米華與同Mandy兩人一齊短短四年，Mandy已為洗米華誕下兩女一子，四年抱三。喺洗米華咁舟車勞頓、香港澳門倫敦周圍飛交人仲要處理公司業務之際，仲可以「交到貨」生三個，確係有辦法。

報道仲話洗米華好享受同Mandy一齊過大家庭嘅生活，計劃要生4個先夠曬數喎！不過佢哋將呢個喜訊冚得好密，只系得幾個信得過嘅朋友先知道。

雖然之前有講過洗米華為咗o凼返Heidi，叫Mandy長居英國，但系今次就話洗米華勁錫Mandy，希望Mandy可以留喺佢身邊，所以喺澳門買咗層豪宅，安排佢哋去澳門住。

又話本來Mandy好鍾意英國嘅生活，但系洗米華同佢講過好多次，最後應承咗去澳門住！今日記者向Mandy Lieu嘅前經理人Marie了解，不過佢話已經冇再同Mandy聯絡。

去年11月2日，洗米嫂陳慧玲喺ig貼圖，系一張生日蛋糕相，同自己講happy birthday（洗米嫂系11月1號生日）。今年37歲嘅洗米嫂，又收到另一份生日禮物——生咗第三胎仲要返澳門？

其實類似巧合，兩年前都發生過，當時洗米嫂刻意安排在洗米華生日（5月30日）開刀誕華種，點知身形唔似大肚的Mandy竟然10日、即5月20日（國語諧音「我愛你」）為洗米華誕女，又上頭條。

鬥來鬥去，我等吃瓜觀眾真是其樂無窮，不過如果Mandy回澳門住，真不知洗米嫂能不能忍得？這場搶米風暴真是可以看到世界末日的感覺哦。

轉載請註明來源：今天頭條