藝人#蘇玉華#及#龔嘉欣#等到尖沙咀，出席新劇《#平安谷之詭谷傳說#》首播飯局，適逢1月16日是蘇玉華生日，演員們送上生日蛋糕，替阿蘇慶生，龔嘉欣向壽星女獻吻，眾人又預祝新劇有好成績。

阿蘇談到《平》劇是她在TVB的暫別作，她說：「我想畀番多啲自由度畀自己，自從呢個消息出咗嚟之後，多咗好多好特別嘅工作搵我，例如有位女歌手搵我拍MV，但我唔可以透露詳情，我當年讀演藝都拍過唔記得系飛圖版定咩版《遙遠的她》嘅MV，賺咗五百蚊外快，以當時一個讀演藝嘅學生嚟講，系好吸引嘅收入，所以好多同學都有接呢啲外快。

（依家嘅酬勞系當年幾多倍？）最重要唔系錢，系首歌我都好鍾意，好啱我依家呢個心境，除咗呢個工作，亦都有人搵我返北京教啲關於演技嘅堂，又有卡通片搵我配音，我都好想試！（TVB有冇人挽留你？）我諗睇咗新劇嘅成績點先，等出咗街，睇咗成績再算！

轉載請註明來源：今天頭條