無線50周年台慶劇《夸世代》，集合歐陽震華、陳豪、田蕊妮、李佳芯（Ali）與邵美琪等「五生五旦」，炮製出集穿越奇幻與恩怨情仇於一身的精彩劇情，令觀眾睇得捧腹大笑之餘又緊張刺激。

故事由今日開始逐漸入直路，「夸」指數更以幾何級數躍升，其中「Mike」陳豪與「Paris」Ali一對冤家便開始由各懷鬼胎、同床異夢的假夫妻，變成有著共同目標的真愛侶。戲中，為報復尚家而迎娶Ali的陳豪，一邊為女方見招拆招而漸生情愫，一邊卻被歐陽震華等兄弟提醒他毋忘初衷，左右做人難！

膠紙甩甩哋險走guang

受訪時，陳豪直言與Ali是「嘭嘭聲」充滿著愛：「系鍾意佢又唔敢鍾意佢！」Ali則指角色為陳豪，從刁蠻任性變得懂為人設想：「仲要不停勾引佢、吸引佢注意，諗點樣令佢鍾意自己！」除了經常在陳豪面前打扮得特別Sexy外，Ali還自爆有一場戲會露全相：「第一次成個背脊露出嚟！當時我凈系可以黐膠紙，個個都話好穩陣，但系拍嗰陣啲膠紙真系開始甩！好危險！撳邊都唔掂，但個樣要扮得好安全！」陳豪聞言即笑指拍攝時內心很興奮。

提及Ali在新加坡獲封視後，陳豪力捧她可以憑「Paris」在香港再下一城！Ali卻謙虛指自拎「飛躍」已感開心，搞到陳豪恨鐵不成鋼：「你系視後嚟！畀啲信心啦！ 要殺埋香港！」

麥明詩曬水著畀余德丞電暈

陳豪、田蕊妮與李佳芯等好戲之人擦出的火花固然好睇，新一代的演出亦同樣吸睛，其中「佳佳」麥明詩（Louisa）、「安安」陳嘉寶、「鍾泰」陸永與「Ocean」余德丞便合力譜出一場錯綜複雜的四角戀。其中一幕，Louisa幫余德丞約陳嘉寶游水，但被秘密與陸永拍拖的陳嘉寶放飛機，Louisa只好親自到泳池交代，期間卻被男方的陽光氣息深深吸引。提到首次以水著拍劇，Louisa直言是私伙架生，而拍攝時其實非常尷尬：「因為個角色好傻氣，所以冇特登去Keep弗，唔夠靚！（定系因為余德丞個胸大過你？）冇得咁比，我唔使好似佢咁大個胸肌！」

「田芯」精彩斗戲速成神同步

「阿茹」田蕊妮（阿田） 與「Paris」李佳芯（Ali）在劇中選港姐時早已結怨，但因共同經事業低潮而互相了解並冰釋前嫌。之後，兩人攜手加入劇中劇《唐家家暴》拍攝，更獲「Dina姐」邵美琪向監製推薦，雙雙加重戲份！鹹魚翻生的阿田與Ali出席祝捷會時，重演難度極高的「神同步」情節，可觀性爆燈！

阿田曾與胡定欣在《鬼同你OT》締造「神同步」經典，但她指兩次演出甚有分別：「今次系對白節奏上同步。（同邊個夾啲？）我覺得同佢哋都好夾，記得《鬼同你OT》個『神同步』就一早寫定，但今次同Ali系『飛紙仔』，拍前兩日先知點『神同步』，夾嘅時間比較短同即興！」

無線50周年台慶劇《夸世代》。

陳豪睇好李佳芯可再下一城，贏得視後殊榮。

李佳芯「露全相」色誘陳豪，搞到差啲走guang！

陳豪與李佳芯演得咁夸，分分鐘一齊攞獎！

陳豪與李佳芯在劇中由恨變愛。

田蕊妮與李佳芯演出「神同步」，睇嚟又會成經典。

余德丞曬爆肌！

轉載請註明來源：今天頭條