最初都見到陳偉琪著住sportbra在健身房出入。

自從TVB頒布「禁色令」之後，大家都會覺得以後要講起有需要性感的情節，劇情都只會用「踩爛朵花」作意會交代，今晚首播的《溏心風暴3》證實了這個想像。話說黃宗澤在劇中攬女無數，幾乎所有女性都發展過，第一位出場的就出名身材好的陳偉琪，她首先身穿sport bra與Bosco在健身房做完運動後，起初以為仲有啲嘢睇，直到兩人在酒店房纏綿後，都仲覺得keep住咁大膽，但後來Bosco脫下浴袍，陳偉琪都準備除衫，鏡頭一黑，然後就沒有然後了…而「禁色令」真的實施了，只以意會交代。

去到呢度都以為仲有下文。

陳偉琪接受《香港01》訪問時，講到本來有更激的場面，但因為「禁色令」，所以被刪剪：「之前已經聽到會cut，因為本來我著剩個nubra，同埋個背脊係赤嘅，但係就cut咗。」最後還是被cut走，陳偉琪表示尊重公司決定。今次激到著nubra，她亦坦言已經係極限：「著完nubra之後，就冇得再性感得去邊㗎喇，已經係最盡。」

而且著nubra場面，是陳偉琪拍這場情慾戲時，臨時變陣的決定：「本身我係有塊布係上面，但拍咗幾次，個身不論點轉，都會好明顯係穿咗崩，咁與其係咁，不如我直接除咗塊布，快啲拍完就好喇。」陳偉琪下了這個決定之後，被Bosco大讚專業：「而且佢都好好，都冇特登去望我。拍呢場戲，都冇特登去清場，好快就完成咗呢場戲。」不過，陳偉琪就話除了劇情需要，而搏盡性感演出之外，她希望大家可以留意她的演出：「未來性感都可以，其實藝術咁演出我都接受到。如果唔洗性感，大家可以睇我做戲。」今次「禁色令」第一撃cut得一乾二淨，相信大家真的可以專心睇Vicky做戲了。

都以為仲有啲嘢睇。

繼《誇世代》陳偉琪變身「煩膠」多番色誘陳豪之後，今次陳偉琪又只穿nubra同黃宗澤有火辣場面，快要佔有TVB所有小生，成為新一代的「御用發電機」，陳偉琪笑言不介意可能有此稱號：「我唔介意㗎，其實自從做《開心速遞》嘅Jenny，同埋近排嘅《誇世代》，大家都好似多咗睇同留意我嘅演出，我都有睇啲留言見到觀眾嘅意見，對我嚟講係開心嘅，我都希望之後可以拍多啲唔同嘅角色。」

然後沒有然後了。

文章來源: https://www.twgreatdaily.com/cat125/node1735251

轉載請註明來源：今天頭條