陳小春同應采兒嘅囝囝Jasper，自從跟住爸爸參加內地綜藝節目《爸爸去哪兒》，有禮貌脾氣好又可愛，令人氣不斷攀升。但爸爸小春就因為脾氣暴躁，不時發脾氣係唔係都鬧囝囝，被網友鬧爆無耐性兼唔識教仔。第3集今日播出，咦，Jasper呢？居然入咗醫院！

睇見Jasper一臉病容，真係心疼死啦。(影片截圖)

第3集一開始見到4位爸爸帶住小朋友搭車到拍攝場地，下車時吳尊發現唔見咗小春兩父子，鏡頭一轉睇到小春抱住Jasper話：「因為昨天他生病了，進了醫院住了一個晚上。」然後溫柔咁問Jasper好番啲未，睇落一臉病容嘅Jasper點點頭，小春即時喺佢額頭錫咗一啖，好溫馨呀。

有爸爸悉心照顧，Jasper飯都食多兩啖啦。(影片截圖) 

陳氏父子姍姍來遲，節目下半集先趕到會合大家，Jasper見到一班朋友仔亦顯得精神咗好多。而小春呢？可能因為之前兩集俾網友鬧得太厲害，脾氣明顯有所收斂，仲對剛出院嘅Jasper照顧有加。

唔知係咪未病好腳浮浮呢，節目尾聲Jasper追逐時唔小心跌親，雖然無喊但一臉痛楚，小春即時跑上前睇嚇囝囝有無受傷，呢次亦無再發火，輕聲講句：「 I told you, everthing slowly！有沒有撞哪裏？」點知話口未完Jasper又再跌低，小春呢次忍唔住用廣東話話：「你睇你！」語氣有點無奈但都未有發火，總算有進步。而應采兒睇完播出後亦有發微博，特別多謝攝影師幫忙：「就是為了怕他摔交、特地買了雙登山鞋.... 結果穿不習慣、摔的更慘，多謝攝影大哥！加你工資。」

Jasper連跌兩嚇都無喊，好勇敢呀﹗(影片截圖)

應采兒原來專誠買爬山鞋俾Jasper，點知都係跌……(應采兒微博)

+5

轉載請註明來源：今天頭條