雖然年齡相差 3歲，不過 24歲坤哥照食 27歲 Aka可也，拍拖期間仲試過孖住去食乳酪雪糕。
網上圖片
真面目 (大踢爆) 坤哥逢女必溝 Super Girls Aka斬纜：「正一賤男，佢鐘意兜人上佢屋企，仲話用左套無咁舒服」
娛圈近年唔少藝人都選擇公開戀情，不過仍然有小情侶選擇玩地下情，以為分手後乾手淨腳無人知，可惜紙包唔住火。
最近有報導指「巨聲幫」坤哥（吳業坤）與女子組合 Super Girls隊長趙慧珊（ Aka）暗撻半年，月前分手皆因 Aka拜金又港女。但本刊獲悉，分手主因係表面傻更更的坤哥，原來勁花心，幾乎逢女都啱的坤哥，與 Aka拍拖期間仍四圍溝女，又溝化妝師，連 Aka的 Super Girls隊友都唔放過。 Aka忍痛分手，再見不是朋友。
參加 10年的《超級巨聲 2》出道，今年 24歲的吳業坤（坤哥），靠自彈自唱加冇殺傷力戇男樣跑出。雖然最終無獲獎，卻換來不少女粉絲，即使至今仍未獲唱片公司簽約，但差不多隔日就放片上 YouTube，總算 keep住人氣。
化妝妹
坤哥幾乎逢女都啱，據知，呢位叫阿 Yau的化妝師近排成為咗坤哥嘅新目標。
網上圖片
Instagram鬧賤男
與坤哥撻著兼分手報道出街後， Aka上週四忍唔住喺 Instagram抒發情緒，冇指明道姓，不過 Aka po出冇耐就將呢個 post刪除。要鬧又要驚！
一次過抄 3女牌
加入大台後，坤哥曾參與劇集演出，雖然只屬小配角，不過搞笑角色深入民心，加上戇直樣成功「入屋」，獲唔少出鏡率。
據知坤哥於 12年參加節目《萬眾同心公益金》時，與剛出道的 Super Girls首次碰面。「坤哥之前已經睇中 Aka、 Yanny（陳穎欣）同埋 Heidi（李靜儀）。雖然係第一次見，不過坤哥其實唔係咁怕醜，三兩嚇手勢就即場抄曬佢哋牌，之後當然有主動搵人啦，不過 Heidi同 Yanny無理佢，最終俾佢溝到 Aka。」
大坤哥 3年、 27歲的 Aka 08年曾在有線做娛樂主播， 11年加入 Super Girls， 12年首次參與大型公開節目即被坤哥睇中。據知，坤哥初時以教吉他為由主動接近 Aka。 Aka週日向本刊說：「唱歌、跳舞、畫畫我自己識，咁我又想向多 talent方面發展，咁佢（坤哥）又好熱心教我，我都想學多啲嘢。」
11年出道的 Super Girls，因為近日有 2位成員參演大台中女劇而多人關注，點知就間接爆埋單戀情出嚟。
「佢教我吉他我請佢食飯」
拍拖半年從未被傳媒撞破，原來 2人拍拖地點多以坤哥屋企為主，「兩個都搵得唔多，仲邊有咁多閒錢去街？加上始終都有知名度，公司又唔俾拍拖，出街搏俾記者影相咩？」知情人透露。據知，坤哥與 Aka拍拖期間仍不時與多名女性朋友表現熟絡，如吳若希及何雁詩等，更有人曾向 Aka告密，指坤哥同時追緊另一年輕化妝師阿 Yau，令 Aka對坤哥完全失去信心，主動提出分手。
面對坤哥的花心卻被指嫌棄男友無車無錢， Aka即激動澄清：「我身上一樣名牌都無，衫褲幾乎全部都係 sponsor，連銀包我都唔係用名牌。講真我要拜金，其實我可以識個富二代，唔使而家咁節衣縮食。佢教我吉他，我有請番佢食飯㗎，我唔會要佢白教我！」
表面正直的坤哥，原來與 Aka拍拖期間仍然有攞住吉他四圍追女仔， Aka為自己伸寃後，面對與坤哥過去的戀情， Aka回應，「我 feel到佢係對我好好。（點解分手？）正一賤男，佢鐘意兜人上佢屋企，仲話用左套無咁舒服。所以我唔鐘意佢」
不過 Aka正為轉簽新唱片公司張羅，冇同坤哥聯絡，「呢排好忙無時間學吉他，都係時候要停一停喇。」睇嚟 2人要經過一段時間先做得到再見亦是朋友。
週日坤哥去旺角出席籃球活動。當日坤哥個樣雖然勁殘，但一見記者影相即舉「 V」，心情完全冇受甩拖影響。對於記者追問佢同 Aka分手原因，坤哥只表示：「唔回應」。
10年只有 20歲的坤哥仲參加緊《超級巨聲 2》，當時佢個樣由於戇直，加上有少少音樂才華，所以頗受觀眾關注。
Aka曾經 TB？
本網上發現多張 Aka同一位男性打扮女密友的合照，對於疑似曾斷背， Aka表現冷靜：「我以前讀女校，又跳芭蕾舞，身邊真係有好多呢啲女仔朋友，或者叫做 TB啦。不過我從來都無諗過要同佢哋一齊，因為我知道唔會有將來。但係同佢哋真係好 friend，好似呢個咁（相中人），佢而家去咗美國，不過我哋仲有 keep住聯絡。」
文章來源: https://www.twgreatdaily.com/cat125/node1635043
轉載請註明來源：今天頭條