話說，《同盟》已經進入最後兩集，昨晚令小姐（鮑起靜飾）的假死假得太真，結果被金天（江美儀飾）發現，之後預告見到子傑（陳展鵬飾）插了Kent（陳山聰）一刀，雖然子傑眼神十分兇狠，不過相信聰明的觀眾已經估到他們是利用苦肉計，騙過金天。
正當大家還在估誰是Final Boss的時候，本劇監製文偉鴻就突然之間爆料，因為很多人都會估易先生（歐瑞偉）是終極大佬，不過監製在Facebook放了一條片段，就是易先生被人架刀在頸，生命危在旦夕，而令小姐亦都「死過翻生」，眼白白看住自己十分著重的保鏢有危險也幫到了忙。而根據流傳出來的消息，易先生將會在今晚被金天的手下處決，直到死的一刻也是在保護令小姐，原來Final Boss唔係佢喎！
《同盟》昨日有鮑起靜演的令熊假死，希望陳展鵬可以接觸到Rainman，點知Rainman一早知佢哋咁做，搞到令熊喺指定時間都冇注射到解藥。唔少網民都估令熊邊會咁蠢估唔到Rainman會玩嘢，認為令熊一早拎到解藥。
以下有劇透
嘩！唔好死呀！
今日就會講到陳展鵬同陳山聰搏鬥，仲會一刀桶落去搞到姚子羚之後要去搵展鵬報仇。唔少網民都估又一係個局，目的都係想Rainman中計，再話俾大家知正義必勝。不過，正義換來之前，就好似死太多人啦，由進入結局篇開始，真係集集都有人死，睇到啲網民留言話套劇太過殘忍，更有人頂唔順問監製文偉鴻︰「點解你啲劇，都會死咁多人？」
文偉鴻就係IG又貼了一條短片預告一下，片入面就見到令熊又再出現，仲見到歐瑞偉扮嘅易先生拎支棍出嚟，同兩名蒙面持刀殺手對峙。片入面仲有易先生嘅聲音不停話︰「走，走呀!」之後令熊就大叫︰「停手呀! 易先生!停手! 唔好殺佢!」之後就見到受咗傷嘅易先生，被殺手制服，兼有把刀架在易先生頸上。畫面仲要彈出幾個字︰「令小姐，再見。」嚇? 究竟呢個再見係指易先生又再一次被殺，因而向令小姐道別，抑或是令熊真係難逃一死?
不過咁，如果易先生真係死掉，咁真正的Final Boss就不是他了，唔通Rainman由始至終都係江美儀，還是人人都是Rainman?
咁究竟邊個先係Final Boss呀？話說姚子羚昨日就在Big Big Channel開Live，都有不少人追問令小姐究竟會唔會死，答案當然是官方套路答案：「唔講得。」不過佢都有話其實仲有Rainman，亦有話自己的角色Kate係唔會死，但係收到風Kate在今晚將會與子傑反目成仇，因為子傑對Kent做了一些很差的事。講到子傑係咪會變奸，子羚就好有意味地話要繼續留意，不過佢話自己一定唔係Big Boss，咦！咁睇嚟展鵬係Big Boss嘅機會最大喎！
來源：www.cacanews.com
轉載請註明來源：今天頭條