""被指連累夫家""

小S入廁所痛哭 囡囡緊張問：會離婚嗎？

小S今年歌影視三棲發展，又要照顧三個囡囡，今日台灣《蘋果》登出小S專訪，佢同老公許雅鈞(Mike)結婚14年，越嚟越甜蜜，不過佢哋曾經歷過婚姻低潮。

有次Mike同小S講「Baby你知不知道因為妳的關係，為甚麼我們家都是這麼好的人，媒體卻要把我們報導成這樣？我明明就不是一個壞人」小S聽完好唔舒服，嬲到走入廁所偷偷地喊，小S心想：「我們一開始相愛的時候，你不就知道我是個明星了嗎？當時你就已經愛上我、娶了我，就不該有這種抱怨。」囡囡好緊張咁問：「會離婚嗎?」小S整理情緒後，出嚟講出自己感受：「你怎麼會覺得是我害了你」，Mike亦向佢道歉，後嚟夫妻感情回溫，原本登記喺Mike名下市值破億新台幣嘅帝寶豪宅改成夫妻共同擁有。

小S又指試過不滿Mike將手機通訊軟體上鎖，嬲到走回娘家，當時小S趁Mike飲醉，睇嚇老公手機，但密碼解唔開，佢估中手機密碼，點知Mike嘅微信、WhatsApp同Line竟有密碼，連相簿都設定密碼，最終Mike解釋手機設密碼係怕自己唔見手機，小S解釋：「他打開給我看，簡訊內容其實也很無聊。」

小S透露自己從來冇諗過離婚，呢一世都打算同Mike白頭偕老，婚姻路上試過激情變平淡，最近正值甜蜜期，兩公婆一有時間就每日三餐都約埋一齊食，Mike朝早醒咗，就開車載小S去買飯糰作早餐，Mike仲會下廚煮嘢，小S又爆：「有次我跟他說為什麼你不能把自己練得跟韓星一樣？他可能內心打擊到，之後開始瘋狂健身，只吃燙蔬菜跟燙雞肉。」

老公成個人fit咗，讓小S想生第4胎追仔，但老公就唔多想，因為佢滿意o依家嘅生活現狀，小S仲話若果Mike離開台灣，懂得自己排解，「我右手現在變得很靈活，一有慾望就趕快開抽屜翻跳蛋，自己解決很方便，不用還要配合對方節奏和心情」。

小S直言外界覺得佢老公桃花旺，係因為Mike鍾意識朋友，只係小S唔鍾意同Mike去朋友聚會，「他如果要陪他朋友，我會立刻殺去找大S或是找姊妹淘，過我自己的生活，也希望大家不要再誤解我老公，他只是一個愛交朋友的人」。 

小S同老公結婚14年，感情越嚟越甜蜜。微博圖片

帝寶豪宅改成兩公婆共同擁有。微博圖片

閒時老公Mike竟然下廚煮嘢食。

文章來源: https://www.twgreatdaily.com/cat125/node1612493

轉載請註明來源：今天頭條