KOL瓊姐喺網上搞嘅「我最喜愛系列」，終於嚟到【十大最喜愛夫妻/情侶/CP】啦! 投票結果有少少出人意表，等我哋同大家睇下有邊10對啦！

第十位：許志安 & 鄭秀文

許志安同鄭秀文嘅感情多次離合，糾纏咗廿幾年終於係2015年承認婚訊。

第九位：張敬軒 & 關智斌

當年張敬軒被拍到喬裝夜訪關智斌新居，因此傳出緋聞。估唔到緋聞一傳就傳足10年。

第八位：方力申 & 鄧麗欣

方力申同鄧麗欣喺好多人心目中嘅螢幕情侶，不過好可惜佢哋喺上年突然宣布分手結束十年情，令網民非常震撼。

第七位：周柏豪 & 岑晉晴

周柏豪同岑晉晴嘅「戀情」喺網上紅極一時，身為粉絲嘅岑晉晴經常喺柏豪 Facebook 留言表示愛慕，好可惜柏豪最終選擇與正印女友結婚，岑晉晴只好轉移目標。

第六位：張繼聰 & 謝安琪

謝安琪同張繼聰呢對恩愛夫妻結婚十年，今年三月仲生多咗個女添！

第五位：KC & Terry 《愛回家》

估唔到無綫處境劇《愛回家》嘅 KC （歐瑞偉飾）同 Terry（李偉健飾）成為第五位。劇中佢哋係兩師徒、最佳拍檔，又成日形影不離，難怪網民覺得佢哋係hehe 啦！

第四位：張國榮 & 唐鶴德

張國榮 & 唐唐一齊十幾年，係圈中最經典嘅同性密友。

第三位：張家輝 & 關詠荷

張家輝同關詠荷喺亞視認識而拍拖，雖然佢哋曾短暫分手，不過之後復合再拉埋天窗。張家輝曾經喺金像獎頒獎禮上表示，娶咗關詠荷係佢一生中最大嘅收穫。

第二位：彭健新 & OK仔

彭健新同愛犬OK仔嘅感情可以講係無分界限。彭健新同OK仔經常出雙入對，又成日帶埋同OK仔亮相節目。好可惜OK仔兩年前離世，無機會再見到佢哋一齊喺螢幕出現啦。

第一位：劉青雲 & 郭藹明

劉青雲伉儷一直都係娛樂圈公認嘅模範夫婦，由拍拖到而家已經一齊25年依然好恩愛，真係羨煞旁人。

轉載請註明來源：今天頭條