18歲私影遭性侵 入行淪經理人性奴 FFx楊澤怡娛圈血淚史
因為一首廉價MV《Sugar Baby》成名，被網民嘲為騎呢組合嘅FFx，最近鬧出內訌，楊澤怡Shirley大爆一直淪為經理人何英傑Sam性奴，直對方轉嗒另一成員17歲周葆諭Christy後就被踢出團。
開完工就被逼開房 M到照要搞
半個月前FFx其他成員三個成員力數楊澤怡三宗罪，話佢引人搵快錢、扮大家姐同鬧走贊[助]商，於是要飛起楊澤怡，從此三人行。點知半個月後，楊澤怡向傳媒大爆料，力陳呢兩年一直淪為經理人阿Sam性奴，「每次收工都被帶去時鐘酒店，初頭唔肯就話要踢我走，試過太攰唔想做就被打，嚟M（月經）都夾硬要做」。阿Sam承認兩人拍過拖，有過親密關係，而楊澤怡就話「一直以嚟都講唔上拍拖，」因為對方一直無關心過佢，只係當佢係「性工具」、「Sex Partner」。
被踢出FFx 楊澤怡呻經理人轉嗒17歲女
楊澤怡仲爆，原來阿Sam對其他成員都又攬又錫，而且仲同另一成員17歲周葆諭Christy搞過，兩個人依家仲一齊埋，所以FFx先踢走佢，「Sam係賤人，正人渣！」阿Sam就否認有追過周葆諭，周葆諭就話係假，而且個講法好侮辱佢。
住兒童之家偷影私影 遭性侵3年後始報警
楊澤怡一路走來殊不平坦，中三入住兒童之家，單單補習無法應付支出，於是靠私影幫補。到有一私影時攝影師逼她拍裸照，「到差唔多影完，呢個X先生就推我落床，佢性侵犯咗我……」但因為私影觸犯兒童之家規則，她擔心被送入女童院，故不敢報警，直至3年後始敢報警。
轉載請註明來源：今天頭條