虎媽媽楊千嬅同丁子高的5歲獨生子Torres今年入讀小學，兩公婆為囝囝揀學校問題煩爆，為避開TSA唔想囝囝變繁忙兒童，早前一家三口現身加拿大國際學校面試，但原來最後千嬅兩公婆幫Torres揀咗另一間國際學校，前段時間三人到學校出席新生日。

Torres表現活潑，表情唔見佢有扭計，似乎只系去到陌生環境比較嗲父母。

而著黑色tee的丁子高就跟在後面，手上拿著一疊學校章程，當日每個家長都有一份，內容包括學生幾點返學、學校理念、守則等等，所以千嬅同丁子高唔聽講座都冇問題。

為人父母就最清楚，為子女揀到間適合的學校，真系好難，呢幾位同樣有子女今年升小一嘅媽媽，就肯定體會到啦。

李嘉欣同許晉亨上年8月，就一齊咗拔萃男書院附屬小學的收生簡介座談會，似乎對

呢間名校好有興趣。

不過大美人在訪問中就講過，唔太擔心許建彤（Jayden）學業，最重要都系囝囝嘅態度，其中禮貌同孝順就最重要。

另一位嘉欣，林嘉欣的大女Kayla今年都讀小一啦。林嘉欣上年10月話過，為咗準備囡囡面試，向公司拎咗3個月假，總共揀咗5間心儀學校。之後佢在一次傳媒訪問中就透露，一家人一齊相處好重要，為免四圍飛，所以冇打算要囡囡去外國留學。

而陳倩揚早前帶同咗大仔陳羲廷去咗7間小學面試，話系當做親子參觀活動，睇下百年老校、新派學校咁。呢位咁體貼的媽咪，仲擱置咗造人大計，話想留番多啲時間陪兩個仔。

單親媽媽楊思琦就要更落力，為阿女Krystal報讀唔同學校，為咗補充智識，有時會開電視俾阿女睇新聞，今年4月思琦妹就透露已經成功爭取到一間國際學校學位。

作為父母，為了子女教育真是費盡心思，但也希望小朋友可以在一個冇壓力的環境下讀書。

文章來源: https://www.twgreatdaily.com/cat125/node1540109

轉載請註明來源：今天頭條