話說鄭嘉穎主演《風雲5D音樂劇》，女友陳凱琳陪未來奶奶孖住睇騷，事後更將同嘉穎嘅恩愛合照擺上網放閃，以「My knight in shinging armour」即系白馬王子嚟形容，仲話知道嘉穎為呢套劇付出咗好多！

嘩！高度讚揚兼閃到咁，真系眼都盲！咦？點解要咁高調嘅？

又會咁啱得咁橋，第二日就輪到舊愛王馨平去睇騷喎！王馨平騷後仲去後台，同嘉穎一齊貼住......個膊頭合照，其實一向佢都好撐嘉穎，好似早年嘉穎部內地劇《步步驚心》，佢都有講過話孖住老公一齊煲！

今次王馨平冇中門大開冇出動「胸器」all clear，對同場嘅陳凱琳簡直系零殺傷力！上次王馨平搶曬「峰」頭，今次仲唔輪到陳凱琳高調放閃攞尾彩？1比1，打和！

轉載請註明來源：今天頭條