Seasun會分享model及cosplay照片。

Seasun覺得有樓先會有安全感引來網民喪插。

一句「冇樓就唔好白撞」，令Seasun成為討論對象，不禁好奇她的來頭，為什麼會有這種價值觀？現年22歲的Seasun，現職珠寶公關，閒時會為珠寶公司做模特兒，拍攝珠寶產品照，17歲時經朋友的介紹之下，以半工讀的方式踏入公關行業，一做至今已做了五年。早前她有接受過金融網站訪問，話自己最愛打拳，又鐘意心靈活動所以迷上風水玄學。

Seasun形容自己性格比較內向，但喜歡涉獵不同層面，所以她做公關之前，有參加過「文化小姐」比賽，因為喜歡世界各地的文化，玩下當開開眼界，也可以解釋到她打拳又睇風水。

而她今日在《有樓萬事足》的記者會後講到，曾經有娛樂公司向她招手，亦曾經在夏韶聲演唱會做過嘉賓，唱過歌。她坦言很享受在舞台上的表演過程，本身也喜歡唱歌，至於是否有無興趣加入娛樂圈做藝人？

Seasun就話：「好多嘢都係未知之數，冇刻意去諗。」又表示現時受網民千夫所指，亦沒有特別留意：「我享受做每件事嘅過程，一個人冇咩可能會取悅曬所有人，凡事有得都有失㗎啦，個節目有爭議性，都唔代表100％係差曬。」

Seasun今日出席宣傳活動時，在台上再被司儀蔡康年踢爆她在節目中曾爆出：「有樓先會有高潮」的膠論，引起現場人士嘩然。最重要是Seasun自我介紹時，講過自己曾上過教會，連蔡康年都忍不住要質疑：「你唔係有返過教會咩？」Seasun即爆：「呢樣係肉體上嘅需要啫。」

事後問過Seasun，她直接否認自己是基督徒。對於「有樓先有高潮」一說，她回答記者：「你睇咗節目之後，我諗會get到少少嘅！」再就言論自由發揮：「高潮呢部分係base on安全感，我當中提出了一個理論，用人類心理學演化出嚟嘅比喻啫，女性喺一個安穩環境入面會容易有高潮啫，引伸到各方面，關係都會和諧啲囉。」Seasun有如此言論，應該會有好多男士追求，打算慢慢揀到最好，但其實不然，Seasun說：「就係身邊冇人追，拍拖次數五隻手指數得曬。就係細個拍拖咩都冇諗，大家唔知想要啲乜，冇commitment。」想必Seasun過去戀愛受過挫折，引致價值觀有突變，但原來又與此無關：「我個ex屋企人覺得大家都仲細，所以冇再一齊。」Seasun甚至表示過去拍拖經歷美好，實在百思不得其解。

Seasun有時會做model，幫人影相，但而家就好少，因為要專心工作喎。

最新近照。（梁碧玲攝）

（左圖）Seasun早前接受過網媒訪問，身上所穿的服裝跟今天一樣，看來是戰衣。

文章來源: https://www.twgreatdaily.com/cat125/node1420300

轉載請註明來源：今天頭條