Bob(林盛斌)一飲咗酒呢……成個人即high爆，試過喺記者面前，向好友梁烈唯嚟個吸盤嘴啜啜，又試過醉爆搗亂錢國偉婚禮，遭小春追打
，每次飲醉都出曬事!
今日有周刊爆初四嗰陣，Bob、黃宗澤(Bosco)、蕭正楠同方力申等搞新春團拜去咗謝安琪(Kay)屋企，之前Bob講過要控制自己，不過幾杯落肚即闖禍!
報道指當晚Bosco拎咗啲紅酒同其他酒，Bob即自隊兼劈酒，次次飲完都變咗另一個人咁，唔只口齒不清，又會係咁爆粗，據知佢哋講明唔可以喺戶內吸菸，點知Bob邊行邊食，又逐個友人強吻，連周柏豪都中招。有啲抗拒被吻嘅人，就推撞到家具都跌埋。
據知當日散水時，Bob唔肯走，連屋主張繼聰叫到，Bob都冇理，仲爆粗回敬，有友人勸佢，Bob仲向對方箍頸兼鬧人，搞到大肚嘅謝安琪都扯曬火，叫幾個朋友夾走Bob，老公張繼聰更差啲被開年!
Bob今日回覆傳媒時話：「其實當晚大家玩得好開心，絕對唔係佢哋寫到咁，亦已經約緊出年再聚！」
而屋主張繼聰啱啱亦喺Ig撐老友，但就冇否認Bob當晚飲醉酒。「冇事冇事，玩得不知幾高興，金牌司儀點會令大家失望呀？實情係佢果晚係令大家都好快樂，大家唔好冤嚟佢啦，we love u bro。」
轉載請註明來源：今天頭條