和好如初喇！
近日藝人葉璇被傳與男友小默先生鬧分手，唔單止將對方以往恩愛嘅博文一一刪去，小默先生仲Post出《演員》歌詞疑暗諷女方難過得太表面。雙方關係一度僵硬，不過隔咗冇耐後，葉璇就急急喺微博作出深情詩句箍煲，似乎好緊張呢段關係。
兩人現身三亞一間酒店。
事件峰迴路轉，今日有指葉璇與小默先生已極速和好，兩人仲同遊三亞勁Sweet！
新年期間，葉璇被指獨自遠赴三亞，正當大家以為佢要出走療情傷嘅時候，點都估唔到小默先生竟然會出現喺同一間酒店。
兩人拖手仔又搭肩，十足熱戀中嘅情侶，分手傳聞自然不攻而破。到咗翌日，兩人醫飽個肚後更一齊外出散步拖嚇手仔。
有講有笑咪幾好。
唔知係咪人在外特別奔放，熱情如火嘅葉璇喺大庭廣眾下，大膽將隻手放喺小默先生個籮柚上又搓又掐，完全懶理旁人目光！
唔通葉璇成功箍煲後，所以愛得特別肉緊？
連體嬰般孖住行動。
葉璇曳曳！
轉載請註明來源：今天頭條