真．純愛～～～

藝人陳凱琳（Grace）及蕭正楠（Edwin）於寶琳出席新年活動。

問到新年安排，Edwin表示年初一已到女友黃翠如家拜年，又笑言心思思於今年結婚：「上去食糕玩狗。（被人催婚？）冇喎！（你之前話想2017年結婚？）我想之嘛， 2017一定得！不過開《深宮計》都要開半年。

Edwin就話2017一定得……米同翠如結婚呀！

（開完工結婚剛剛好？）都要籌備嘛。」問到Edwin會否考慮情人節求婚？

他稱可以考慮：「好提議！試嚇諗嚇！（你好浪漫？）問翠如，我覺得自己好浪漫。（準備禮物未？）梗係有，重要日子，想死咩？大家夾時間，一餐飯都撞到嘅！」

Grace大爆嘉穎要為舞台劇操肌，要練到鬼佬咁大隻。

未摸過男友腹肌

至於Grace就言因男友鄭嘉穎新年不在港，故雙方家人早於年三十晚就食飯過節，其後她亦會再拜訪嘉穎母親及拜年。

談到嘉穎日前表示要為舞台劇操肌，Grace笑言唔敢整甜品引誘男友：「佢冇預我一齊操肌，我唔整甜品引誘佢。

不過佢就話未摸過嘉穎啲腹肌喎…

（準備情人節禮物？）親自下廚煮中餐，之前整過煎釀三寶，但睇嚟要索曬油先畀佢食。」

身旁Edwin就指嘉穎本身已經好大隻：「佢本身都六舊腹肌，今次想增大肌肉，想好似鬼佬咁大隻。」

問到Grace會否鍾情爆肌男？她笑言未摸過男友的腹肌：「佢今次係角色需要，但我冇摸過呀，等佢操曬先慢慢摸！」

嘉穎 and 腹肌～～（資料圖片）

點解嘅？點解嘅？

文章來源: https://www.twgreatdaily.com/cat125/node1412866

轉載請註明來源：今天頭條