王祖藍去年斥資開設工作室，並於短時間內簽了18名藝人，實行為他們作全方位發展。雞年將至，祖藍將一如過往帶同家人出埠避年，但榮升老闆的他亦預早為員工準備大利是，日前旗下藝人徐子珊 、趙勁皓（King）、張彥博及瑪姬等亦急急衝上公司，提早向老闆及老闆娘李亞男拜個早年。

轉戰商界搞珠寶設計的子珊，則表示望來年能拍戲與生意兩邊兼顧，更謂：「加入新公司之後，展望雞年大家合作愉快，搵多啲機會去內地工作。」

一眾藝人甫抵達公司即柴娃娃，疊疊不休說個不停，祖藍見狀即掏出大疊500蚊紙，眾人隨即雙眼發光兼起鬨，亞男亦老闆娘上身搶過來逐張數。

更搞笑地把錢撻向祖藍塊面謂：「錢吖！錢吖！你平時都系咁畀家用奶奶！」

祖藍起初一臉衰樣，未幾又變臉與老婆互搶銀紙，二人更把戰場轉至祖藍的老闆房，子珊、King等人也加入戰團，情況一發不可收拾，還差點把銀紙扯爛。

不過愛妻號的祖藍轉頭認低威，甘願被老婆扭耳仔受罰，轉頭又迎合地一人抱住一個財神紙牌當BB，凼得亞男一臉冧滋滋。

對於虎妻上身以銀紙撻老公，亞男坦言全因為奶奶出頭：「我識佢時見用錢撻落媽咪面度，身為鬼妹仔嘅我覺得好唔尊重長輩，以前唔敢話佢，今時今日梗系掟番錢畀佢。」

問到祖藍會否用同一方法給家用亞男？他謂：「依家唔使畀，佢自己提款，我銀包都冇錢，好耐冇見過500蚊系點樣。」

提到首年以老闆身份派利是，祖藍則話：「唔系好敢期待，因為會出血，預六位數字，要派畀無綫同事、自己公司、內地公司，仲唔繫世界巡迴派錢會？」更指現時財政大權已交由太太管理，亞男笑指已努力學習中。

轉載請註明來源：今天頭條