好彩小齊已經報咗平安，現身處阿根廷療傷。

台灣歌手任賢齊（小齊）一向熱愛玩機車，仲會同朋友齊齊參加喺阿根廷舉行嘅機車越野賽，一早就已經係圈中有名嘅辣車手！不過今日小齊就託人喺佢自己Facebook，透露正在參與世界上最艱苦越野拉力賽事「DAKAR世界級越野賽」，仲喺當地凌晨時分不幸遇上意外，嚇親眾人！

暫時唔可以行房

根據佢FB所講，小齊第二賽段臨結束時，架機車撞咗棵大樹，佢成個人飛出車外，過程極驚險！！不過小齊已經打咗長途電話報平安，指自己做咗X光檢查，照過冇骨折，又做埋超聲波檢查睇嚇有冇內出血，醫生就話佢除咗腰傷就冇咩大礙，而佢目前就喺阿根廷療傷。遇到件咁驚心動魄嘅意外，小齊最關心嘅依然係件賽事，仲狂嗌唔甘心㖭！雖然小齊受咗傷，但佢都非常樂觀，搞笑話：「目前只是不能搬重物，不能行房！」

小齊呢個樣就係話畀大家聽佢真係好傷……

下次玩四輪

完成這次參加世界大賽夢想，問到小齊會放棄賽車嗎？他說：「唔會放棄啊！如果可以有下次，我會想嘗試開四輪嘅比賽，單電車兩輪嘅實在太難，我冇時間訓練，四輪越野車，比較安全，最少人唔會撞到飛出去！」

樹都撞到裂開！

大嗌唔甘心

受傷那一刻，問到想到甚麼？小齊說：「腦海一遍空白囉，冇諗啲乜，只係不停諗我係咪可以再爬起嚟繼續囉。後來腰痛，連撐起自己都覺得吃力，就知道今次真係比賽完咗。好唔甘心，好唔甘心啊！第一次嚟比賽，冇諗到第二段就要被迫停咗！好想有下一次！」

意外現場。

一月尾小齊還得聯同「男人幫」兄弟去美國拉斯維加斯有賀歲巡迴演唱會，幸好目前傷勢對演出沒有任何影響，小齊謂在阿根庭休息幾天再看看是否回程，還是前往下一站給隊友打氣。

難得小齊仲有心情Selfie之外，佢仲硬唧咗少少笑容出嚟。

上飛機接受治療，個樣好辛苦。

小齊Facebook原文如下：

特別報告 : 小齊參加DAKAR世界級越野賽，3號(我們的凌晨四點多)跑到第二賽段快要終結時，不幸遇上意外，機車撞向大樹，整個人飛出車外，幸好沒有大礙，目前正於阿根庭（廷）療傷當中。

大家不用擔心，小齊已於長途電話報平安。當地有專業醫寮團隊照顧。

小齊長途電話中表示 : 「坐了救援直昇機回大本營，X光檢身，沒有骨折、超聲波檢查有沒有內出血‭ ‬，醫生幽默說，除了腰傷沒大礙，目前只是不能搬重物，不能行房。」

他的賽事要終結了，因為腰傷不能再發車，目前正於阿根庭（廷）大本營休息中。

小齊最後聯絡是說，「不甘心啊！不甘心！」

我們同說，「太感恩了！快回來！」

轉載請註明來源：今天頭條