TVB最佳女配角林夏薇從下嫁金融才俊莫贊生（Jason）後，在飲食業大展拳腳，又要拍劇又要做生意，認真忙到爆！

不過話時話，當年夏薇喺山頂豪宅秘嫁Jason，保密工夫做到足，連婚紗相都冇影到！話曬結婚系一生人一次，而影婚紗相又系女仔嘅夢想，所以夏薇最近就同老公去咗陽光與海灘嘅馬爾地夫拍婚照。

人靚景靚就一定啦，不過最最最特別系林夏薇件婚紗，全套以貼身透視喱士設計，將夏薇S型曲線表露無遺，極度誘人！而夏薇仲配上超勁長頭紗，當海風一吹頭紗飛起，而Jason就攬住老婆嘅纖腰，畫面幸福又唯美。

但原來呢啲大師級嘅作品唔系由攝影師操刀㗎，夏薇喺微博透露：「婚紗照都自拍！好cool喔」嘩！原來系自拍嘅，咁搞法，婚紗攝影師好難撈喎。

轉載請註明來源：今天頭條