【激罕】聖誕放閃！刑活著咀爆藍夢瑤

25歲藝人陳凱琳（Grace）同47歲鄭嘉穎去年拍攝劇集《殭》而撻著，拍拖年幾以嚟一直都非常恩愛，不過就從來都未試過公開放閃。直到今年聖誕節，Grace可能太開心，喺普天同慶嘅日子上載咗鄭嘉穎錫佢嘅甜蜜合照。

相中，鄭嘉穎以《殭》入面刑活著嘅造型上陣，仲錫住笑到甜絲絲嘅藍夢瑤（陳凱琳喺《殭》入面嘅角色）個頭，可以話繫世紀合照，相信系去年拍緊劇集時影嘅。Grace仲留言話：「型（刑）活著同我祝大家聖誕節快樂! Grace仲tag咗「繼續開工」嘅標籤，同唔到男友一齊慶祝聖誕節，惟有放番張相放嚇閃啦！

張智霖趁佳節北上出活動搵真銀

藝人張智霖在平安夜到海口出席剪彩活動搵真銀，吸引大批來自北京、上海、吉林及海南本地的粉絲蜂擁而至，在現場不停尖叫，難怪大會要出動十位保安，貼身為張智霖護駕。張智霖是處女座，他受訪時指表演時會對自己要求嚴格，因要對觀眾負責，但在工作中對員工要求不能太高，要多看別人的優點，他笑說：「聽說年齡大了，星座會變，我覺得自己變了，但不知道變成甚麼星座。」張智霖表示2017年將參與拍攝電影古裝電影，扮演大祭司一角。

冇預袁偉豪！朱千雪請岑杏賢食攞獎飯

藝人朱千雪在上環拍攝無線新劇《踩過界》，她表示自今個月17日考完試後，她除了出席《萬千星輝頒獎典禮2016》外，直至開學都要趕開工，她謂包括聖誕節：「要喺14日內拍曬我嘅戲份，系好急，所以好多謝大家為咗我而咁趕！」又笑言拍劇當度假。

提到千雪與「最受歡迎劇集搭檔」王浩信再合作，她坦言放心不少並且與對方甚有默契：「其實我都想有《EU 2》，好難得有觀眾記住我哋！」而她之前攞獎時稱會請好友岑杏賢食飯，她透露將會在27號晚會請。問到有否請岑杏賢前度袁偉豪一齊食？千雪說：「系同蔣家旻食，袁偉豪就應該要開工，同埋個獎系我拎，梗系我一個人請啦！」

腳板擺上頭 郭晉安被囡囡舞技嚇窒

藝人郭晉安（安仔）於聖誕節現身赤柱，拍攝無線劇集《老表，畢業喇！》，飾演校長的安仔即使在清晨「狂食」海風之下開工亦精神十足，認真敬業！他於停機後更風騷向鏡頭曬V，盡顯親民作風。

其後安仔受訪時直言聖誕至新年前都要拍劇而未能陪伴家人過節，但他笑言近日頻頻被女兒的「舞功」嚇窒：「囡囡依家5歲，尋日佢扮條魚去表演跳K Pop，因為表演主題系海洋。太太幫佢化靚妝，用靚妝減去佢嘅緊張。因為佢事前好緊張，但太太同佢講扮到咁靚要畀人睇，於是佢好開心去表演。（在家中都跳畀你睇？）佢成日表演一字馬同劈腿，我畀佢嚇親！佢一時仲將腳板擺上頭，我即刻贊佢犀利！」

出名錫屋企的他稱一早揀好聖誕禮物送給子女：「我送咗Lego畀囝囝，買咗穿珠仔玩具畀囡囡。（畀佢穿手鍊送畀你哋？）系呀，佢穿完會送畀我同太太。」他又搞笑踢爆女兒好貪靚：「我本身話買公仔畀佢，但佢話如果買唔到就幫佢買啲靚嘢就得！（仔女有寫聖誕卡同小禮物？）自己畫卡就有。」

【有洋蔥】黃宗澤平安夜最開心夢見亡父

聖誕節系一個普天同慶嘅佳節，唔少人都趁機約埋親朋戚友開Party，享嚇天倫樂！不過藝人黃宗澤（Bosco）就坦言尋晚平安夜最開心唔系食聖誕大餐，而系發夢見到亡父，不過都唔記得咗講「Merry Christmas」！

出名孝順嘅Bosco不時都會將爸爸掛在嘴邊，而昨日佢就上載咗同爸爸嘅黑白合照，留言：「平安夜最開心的，不是聖誕party，也不是聖誕大餐。最開心的是夢見你，但我居然忘記跟你說Merry Christmas！Daddy，聖誕節快樂！」

文章來源: https://www.twgreatdaily.com/cat125/node1384634

轉載請註明來源：今天頭條