田蕊妮與黎諾懿到油塘出席聖誕節活動，與現場粉絲大玩遊戲。正忙於在內地拍劇的阿田特意抽空返港兩天，起行前已經和內地的台前幕後慶祝聖誕，又互相交換禮物。

談到老公杜汶澤「投訴」未收到禮物，阿田即說：「補番畀佢，送解酒丸囉！」由於杜汶澤被拍到「斷片」大醉一幕，阿田「自嘲」引到滿堂大笑。

談到杜汶澤今次飲到斷片，阿田澄清老公並沒有因事業問題而不開心。

「其實系佢首次執導演筒，煞科同啲工作人員去玩嚇啫，應該嘅，佢哋仲未盡興，尋晚又嚟咗我屋企玩過。（阿澤又斷片？）系喎！（講到你要養家？）坦白講，我唔使佢養。我細細個出嚟做嘢，習慣咗畀家用，我唔可以被包養，佢咁大隻，我亦養佢唔起，大家一直經濟獨立。」

轉載請註明來源：今天頭條