TVB 花旦岑麗香大婚：中士裙褂與白色婚紗，網民洗版要幸福！

岑麗香今日在溫哥華同強強舉行婚禮，之前開婚前記招都系得香香一個面對記者，

究竟今次婚宴場地再見記者，神秘的強強會唔會現身呢？

香香著上中式裙褂，頸上戴住金豬一隻，手上就戴住一對金鈪，相當簡約，突顯香香嘅清純美。

而強強身上就戴住紅色繡球，MAN爆咁一隻手同香香十指緊扣，另一隻手就擁住香香入懷，

跟手再錫咗香香額頭一啖，之後徇眾要求強強再同香香咀嘴，之後一對新人齊齊坐低，仲拖住手接受訪問。

香香著住婚紗外加毛毛披肩，同強強十指緊扣拖住手出嚟，香香個樣全程甜笑，

仲挨住強強嘅膊頭，兩人仲鼻貼鼻情深對望，香香仲陶醉到眯埋眼，真系冧到呢！

記者見到咁呢情況就叫佢哋錫錫，不過強強始終有啲怕丑，最終都冇錫到香香。

期間有一陣怪風吹起咗香香嘅頭紗，強強即時幫香香整理，盡顯溫柔一面。

轉載請註明來源：今天頭條