TVB 花旦馬國連開兩店，花曼望雙喜臨門奪《 最佳女配 》！

藝人王君馨（Grace）早前搞網店推出自家香薰首飾品牌，

而她更在十月及十一月火速於馬來西亞連開兩間實體店，

當中分店的首日生意額更賺得近六位數字，認真威水！

望再開分店

對於分店開幕即獲好成績，日前抵達當地剪彩開張的Grace表示相當感動，又希望長做長有：

「我有信心喺馬來西亞開店，都系因為自己喺當地頒獎禮攞到『紅爆網絡新鮮人大獎』，

我好感謝當地嘅粉絲同顧客嘅支持，粉絲都好乖，一早嚟等我，我好感恩。我希望生意會愈做愈好，繼續開分店！」

做嫁飾益埋姊妹

Grace坦言雖然早前於當地頒獎禮失落女配角獎，但今年有份在台慶頒獎禮中角逐「最佳女配角」，

她希望能將馬國分店的「旺氣」延續至香港，寄望能「雙喜臨門」奪獎，獲得觀眾的肯定。

然而準備下年結婚的她，被問到屆時會否動手為自己設計世上僅此一套的限定首飾作嫁妝？

Grace笑言正有此意：「會呀，可能為咗影婚紗相同結婚當日都會特別設計一套畀新娘，

仲可以同伴娘一齊戴，設計仲喺度構思緊。（會送多套自家設計首飾畀準新娘岑麗香？）仲未諗，要諗嚇先！」

如果您覺得這篇文章不錯，請別忘了分享給您的朋友！！ 您的舉手之勞，就是對我最好的支持，非常感謝！！

轉載請註明來源：今天頭條