「你繼續發夢，屋企我嚟頂」：張穎康狂飆淚多謝太太

人，仲是要有夢想的，

萬一你好似張穎康咁成功咗呢？

今年TVB馬來西亞星光薈萃頒獎典禮，

入行16年嘅張穎康居然系第一次參加頒獎典禮，

憑住喺中飾演嘅角色三弟

拿到人生中嘅第一個獎！

最喜愛TVB飛躍進步男藝

張太麥雅致喺電視機前一聽到自己老公個名，

就已經止唔住咁爆喊，

連屋企唔識聽粵語嘅傭人都喊埋一份。

企喺領獎台上，

張頴康激動到飆曬眼淚，

喊住咁致獲獎辭

台下同佢一齊合作嘅呂慧儀同滕麗名

都俾佢感動到眼濕濕

佢話：

「我入行16年，我每年都睇頒獎禮，但系我每年都冇得嚟，今年有吖！

喺哩度我想同大家分享一個我嘅故事。六年前我因為冇錢，為咗成家立室，當時我冇做演員，我去咗做文員。每日都要中港兩邊走，有一日發生咗車禍，不過好彩只系輕傷。

當時我就霖如果我就咁走咗，如果死咗會有咩遺憾？我十年嚟唔好話系主角，我連主要嘅演員都未做過，我好唔甘心吖。

我翻去同我老婆講，我想翻TVB拍戲，我老婆當時同我講咗一句，你繼續去發夢喇，錢唔好再霖，屋企由我嚟頂。所以如果冇咗我老婆，張頴康今日冇可能以演員嘅身份嚟摞哩個獎！多謝我老婆，老婆我愛你！」

今年34歲嘅張頴康

06年喺劉德華嘅推薦下加入TVB

將近十年佢喺TVB拍嘅都系啲二打六嘅角色

當佢就嚟放棄演戲

選擇打工攢錢養家嘅時候

一場車禍令佢霖番起自己堅持咗十幾年嘅夢想

「人如果冇夢想，咁同鹹魚有咩分別?」

但系大家都知，喺TVB拍戲

哪怕就算系當紅嘅花旦小生

坐凳仔坐到腳軟都未必等到一個機會

更何況系當時「跑龍套」嘅張頴康

加上果時張頴康嘅經濟條件並唔系咁好

不過幸好有太太麥雅致嘅支持

一句「你去發夢啦，錢唔好再霖，屋企由我嚟頂。」

為咗俾老公放心咁去追求自己嘅夢想

一個女人仔，自己擔起成頭家

試問有幾個人可以做到好似呢位張太咁呢？

張頴康話，每年頒獎典禮自己都有睇

但系以前每年都冇份參加，亦冇份摞獎

甚至有一次佢仲同老婆講

「熄咗電視佢喇，唔會有我份嘅喇」

而今次，佢終於摞人生中嘅第一個獎

都叫系學有所成，可以報答老婆喇~

仲sweet咁話要翻去錫啖老婆添~

都話「成功嘅男人背後都有一個偉大嘅女人」

呢個「最喜愛TVB飛躍進步男藝」獎

唔系張頴康一個人摞嘅

而系一個家庭齊齊嘅努力同互相支持

而得到嘅獎勵

不過相比於獎項，小編卻覺得

兩人「經得起患難，懂得扶持」的這份愛情

喺現今嘅娛樂圈中，更屬難得~

轉載請註明來源：今天頭條