歌手陸永家有嬌妻Rainah，又有兩個可愛囡囡Hannah同Simsim，為咗畀呢三朵金花一個安穩嘅家，陸永特別落力搵錢，仲不時抽空享受天倫樂，果然系「廿四孝爸爸」！

陸永嘅好爸爸形象深入民心，平日喺節目上表現搞怪都大受歡迎，點知佢最近竟然一反常態，喺劇集《幕後玩家》做二世祖，仲做得入型入格、入木三分，搞到唔少觀眾睇完都鬧爆佢「廢柴」！

就連myTV SUPER嘅facebook專頁日前都上載一條短片，大數「二世祖」陸永嘅三宗罪，今次真系證據確鑿走唔甩啦！第一宗罪就系A字膊，劇中陸永要剪雜誌做資料搜集，卸膊嘅佢竟然出賤招，偷雞畀曬啲嘢鄧佩儀做，連女仔都恰，真系衰到貼地又唔gentlemen！

第二宗罪就系大花筒，陸永同鄧佩儀撐檯腳，竟然嗌到成檯都系餸，仲打算嗌支價值萬幾蚊嘅「Kona Nigari」礦泉水，飲枝水都寧舍貴過人，仲唔系使腳唔抹腳！最後一宗罪咪系好食懶飛囉，陸永返工掛住聽歌，仲不時入廁所「蛇王」。

陸永返工返到咁hea都未畀人炒，皆因「成功靠父干」，難怪觀眾睇完更加把幾火，仲紛紛留言鬧爆佢「廢柴」、「衰格」，不過畀人鬧又唔系壞事嚟，都要陸永夠好戲，演得個角色夠賤格先有咁大迴響。有網友仲發現陸永唔單止適合搞笑，佢連個樣都有陣「二世祖」嘅頹味，直情系做二世祖角色嘅不二人選啦！

而上星期五晚播出一集就揭開陸永「二世祖」之謎，原來佢以前間接害死一個大學同學，令佢相當痛苦，所以先頹廢過日子。依家終於真相大白，不過之後陸永「改邪歸正」，咪冇得睇佢嘅抵死演出囉！

陸永是香港Rap與Hip Hop音樂組合農夫組合成員，因演唱歌曲《456Wing》而廣為人熟悉。

2011年陸永奉子成婚，當年未上位窮到燶，與地產女經紀 Reina 請律師上門，在家交換戒指便成婚。婚後卻忽然流出其妻Reina 婚前與 Rapper曲赤（ K-Chek）夜蒲啜爆的照片， Rainah舊情史同時被起底。

從流出的一批夜蒲照中發現，盆骨有紋身的陸永嫂 Rainah原來非常狂野，喜愛夜蒲，更是hip hop仔殺手。

對於夜蒲欲照流出，陸永爽快回應：「太太以前有蒲㗎，以前我都有同佢去蒲過。喺結婚前，太太已經講曬我知佢夜蒲嘅嘢。」對於記者舊事重提，陸永好奇反問：「做乜呀？又有相？影得靚唔靚先？據我所知曲赤嗰啲已經系最勁，曲赤我都知，老婆都有介紹曲赤畀我識，其他嗰啲都系夜蒲普通合照啫。」

對於 Rainah腰間紋身，陸永說：「系！佢系有紋身。」身為人夫的陸永語重深長表示太太情史蒲照均是過去式，他維護說：「我都有飲醉過，我太太唔系圈中人，唔好再搞佢喇，佢在家好專心湊女。」

風波過後，陸永密密做搵奶粉錢，三年前簽無線拍劇，去年得Do 姐帶挈主持「Do 姐去Shopping」後人氣急升，終於脫貧上位。

要成為一線小生，閒閒地要踎十年八載，不過食腦加上九唔搭八，出位無難度，好似陸永咁，雖然靚仔無佢份，但勝在形象騎呢古怪，唧到你笑，殺出血路！

組合農夫與Do姐鄭裕玲合作旅遊節目《Do姐去Shopping》，成功人氣反彈，之後仲順勢三人行，主持埋《Do姐有問題》，工作量幾何級數咁上。其中陸永仲有份拍《殭》劇，唔止可以喺黃金時段出街，而且劇中幾乎有謝安琪嘅畫面，就多數見到佢，戲份相當之多！

陸永能夠有咁高曝光率，並唔系因為多得Do姐、阿Kay等女神帶挈，而系佢本身有個人魅力。據知，該劇監製就系覺得陸永夠喜感，所以點名搵佢拍，而陸永都唔敢怠慢，埋位兩個月已經成日搵師傅練武，又會約嚇又南跑街練氣。

最近陸永Talk Show、唱片、拍劇、主持同步進行，系就系無時間陪屋企人，但機會唔等人，趁有得做，梗系做多啲啦。

轉載請註明來源：今天頭條