TVB力捧花旦李佳芯，早前傳聞無線高層打壓戀情，逼迫她與ViuTV主持人分手。日前兩人約會被拍到斷正。

上緊位的李佳芯 為免戀情阻礙事業發展，未紅之時佢毫無顧忌同ViuTV主持男友陳炳銓（Danny）同居於西貢村屋，最近態度卻180度大轉變，Ali先搬返柴灣屋邨老家避嫌，繼而「出口術」自認單身冇男友，不過紙始終包唔住火，更何況繫戀火呢！

宣稱冇男友後，Ali頻頻獨來獨往，日日返柴灣老家，日前工作後嬌滴滴嘅佢獨自將大大個篋搬上搬落，孭住個大袋再推行李返屋企！

相隔幾日，Ali終於忍唔住同男友「偷會」，當日下午5點幾，Ali於電視城開完工，戴上cap帽及粗框眼鏡遮樣便匆匆揸車到附近商場，只見佢入到商場即小心周圍望。

買完靚衫，Ali同男友就扮唔太相熟，離行離列地行去樓上嘅日本餐廳，享受片刻二人世界，兩人挑選最隱蔽嘅位置坐低，一餐飯食足約3粒鍾。

有見商場人流較少，Ali同男友情不自禁地愈行愈埋，更見肩碰肩，親密關係不言而喻，但兩人始終唔敢拖手仔！

不過網民都認為這是美女與野獸的愛情，不知這對究竟能否開花結果呢？

轉載請註明來源：今天頭條