【《RM》明年台灣開騷】HaHa爆第2胎係囝 粉絲留言催生B囡

韓國人氣綜藝節目《Running Man》(RM)成員HaHa同歌手老婆星於2013年生咗第一個囝囝，上月初兩人再傳出好消息，指兩人嘅第2個愛情結晶品將於下年4月出世。

對於老婆再陀B，HaHa都相當開心，而喺粉絲猜想佢今次會唔會生個B女，湊返個「好」字之際，HaHa今日就透過Instagram公開第2胎都係囝囝，並留言表示：「心情好好！係個囝囝！我會將佢哋養育成勇敢嘅兄弟，我係兒子富翁。」相當搞笑。雖然粉絲都留言恭喜HaHa，不過亦有粉絲搞鬼地留言催HaHa生個女。

另外，同為《RM》成員嘅女星宋智孝，其主演嘅JTBC新劇《老婆這週要出牆》將於本周五首播，而劇組今日繼續公開新海報谷劇，海報中只見李善均表情惆悵，攬住佢同智孝嘅幸福婚紗相，暗示兩人之間嘅關係出現咗問題。

此外，《RM》已經落實於明年2月10號喺台灣舉行粉絲見面會，唔知會唔會有香港場呢？

轉載請註明來源：今天頭條