現年34歲的趙希洛，早前被傳媒大起底，有指其父做石油生意，家底豐厚，身家億億聲，更因而被封無線的「隱形女筍盤」。
不過，本刊發現，趙希洛雖然經濟無憂，家住半山豪宅，兼獲家人提供靚車代步，但平日生活卻秉持「慳妹」性格，出入坐港鐵、食則幫襯「麥記」，連娛樂都最大眾化超低消費，認真知慳識儉。
入行多年的趙希洛，多演閒角，直至早前在劇集《超能老豆》演賢妻良母，終於「升呢」做第二女主角。
現年34歲的趙希洛，07年參加香港小姐晉身最後五強入行。翌年，她於藝訓班畢業，八年來在無線多飾演閒角，又因為經常被派演癲婆、殺人犯等角色，所以被網友封為無線「御用癲婆」。
直至早前一出電視劇《超能老豆》，趙希洛終於首次擔任第二女主角，劇中飾演陳智燊的老婆及兩子女之母，戲份吃重之外，賢妻良母形象更獲不少網民追捧。
現實中，趙希洛亦的而且確是勁娶得過的「女筍盤」，母親是前藝人梁小玲，父親則經營石油生意，她在澳洲長大，英國大學讀法商科，進修碩士時回港選美而入行。原本投身金融界應該收入可觀，偏偏她選擇做演員入無線「挨騾仔」，賺一萬幾千底薪一個月。
據悉，她現時居住於半山梅道的豪宅，而出入亦有家人提供的寶馬代步。不過，趙希洛身為億萬千金卻絕不嬌生慣養，大部分生活開支都不願「攤大手板」，堅持自負盈虧，故惟有「慳」字訣。
趙希洛雖然家底豐厚，但她絕不炫富，平時生活更以慳字至上，出入寧願搭港鐵，不揸靚車。
趙希洛無論搭車或行路，都做「低頭族」埋頭埋腦玩手機。
趙希洛對食都相當隨便，求其到「麥記」食個快餐醫肚就算。
一個人孤獨開餐的趙希洛，玩住手機消閒，自得其樂。07年，趙希洛讀碩士第一學期後，瞞住家人參加香港小姐，同屆港姐包括：王君馨、黃智雯、何傲兒，而冠軍則是張嘉兒。
轉載請註明來源：今天頭條