張栢芝近年於內地掘金，閒時就照顧兩個兒子Lucas同Quintus，栢芝中秋節當日親自落街市買餸，為兩個寶貝仔煮一餐豐富美味嘅團圓飯，認真系好媽媽！

親民勁nice

栢 芝穿黑白格仔長袖恤衫襯牛仔褲，素顏戴黑框眼鏡casual打扮落街市，雖然外表唔起眼，但有眼利網民即刻認出系栢芝，即時將佢野捕！相中可見，栢芝當時 選購豬肉之外，更四圍望睇嚇仲有冇其他啱兩位兒子Lucas同Quintus口味嘅食物！期間，栢芝遇到精靈BB，即上前逗對方玩，母愛滿瀉！

黃伊汶仔曬pat好應節

黃伊汶同陳國坤半歲仔陳真眼仔碌碌勁得意，而且活力十足遺傳爸爸好動細胞，人見人愛！黃伊汶就趁中秋節曬仔個pat pat八月十五，祝大家中秋節快樂！

曬股賀中秋

黃伊汶仔陳真不經不覺已半歲，長得肥肥白白，睇陳真呢張背面曬pat pat相，可以睇到佢雙腿勁好肉地，真系可愛到睇見都想咬落去！而黃伊汶於IG曬仔靚股相後留言：「各位八月十五中秋節快樂」。細心睇陳真pat pat位有個類似心形嘅胎印，好打意呀！

BB界Chok王

陳真雖然只得半歲，但表情多多，萌爆、可愛、cool look乜都有，仲識學人chok，盡得爸爸媽媽演藝細胞，天生一副明星相！

轉載請註明來源：今天頭條