陀 B仔約6個月的陳敏之，日前同大班好朋友去泰國度假，包括梁烈唯兩公婆同《東張西望》主持容羨媛等，一行十幾人包咗間超豪private villa，屋內有私人大泳池，唔使同人迫都可以玩水開P。難得relax，敏之亦來個大解放，著三點式大曬6個月靚肚，更放上網同粉絲開心share！ 不過曬還曬，靚媽千祈咪凍親呀！

敏之上周五與老公William、唯唯兩公婆等好友出發度假，最初敏之只系企池邊影下靚相，後來愈著愈少布，今朝更使出最後一激，著三點式曬白滑靚肚！雖然敏之現時已陀B約6個月，但未見手腫腳腫，而且上圍亦明顯升cup，不愧為得天獨厚的索腿天后！

除了每日曬太陽同游水，好動敏之亦有與唯唯老婆、同樣陀B的Tina打桌球波，大住肚都冇時停！敏之同Tina相當老友，早前約埋一齊做產檢，確保BB一齊正常。有個愛運動的靚媽，相信敏之囝囝一定又健康又活潑！

哩邊敏之就曬大肚照，果邊張嘉兒就榮升媽媽，曬可愛女大頭相。

張嘉兒前日為老公Nathan順產誕下六磅重女兒Leora，榮升媽媽後，嘉兒悉心照顧女兒！佢今日於IG曬女兒大頭相，Leora正甜睡中，而深深嘅雙眼皮獲網友大讚好可愛！

食完奶好滿足

初為人母嘅張嘉兒於IG分享喂女兒Leora人奶後嘅大頭相，留言：「同大家介紹，我是Leora，早上好！I am milk drunk！」相中Leora邊睡邊仲脷舔嘴，相信飲完奶後好滿足！而瓜子面同好深嘅雙眼皮，就似足媽咪！

痛足12個鐘

張嘉兒指依家已可以落地慢慢行，但行得耐會有啲頭暈，佢又指生B過程好痛，仲痛足12個鐘：「痛過我想像，真系痛到嘔咗出嚟。生之前又痛到嘔，生完之後都有嘔，但都好滿足、好開心。」

文章來源: https://www.twgreatdaily.com/cat125/node1257760

轉載請註明來源：今天頭條