TVB 新一代「 姣神 」，一部戲換一個男友？

人稱 TVB 「 人肉發電機 」嘅蔡思貝

近排趁男朋友麥秋成北上做嘢

即刻忍唔住去搵其他仔消遣

前段時間收工之後幽會周志文睇戲

睇完仲前後腳上車去周志文屋企偷食18小時

當日蔡思貝仲特登著咗件透 bra 背心赴會

跟住兩個人見未夠鍾開場

行落一層樓喱埋暗角調情

跟住蔡思貝仲突然邊哼歌邊扭腰

睇到周志文眼定定

睇完戲兩個人就特登前後腳離開

跟住分別揸車去周志文嘅屋企

蔡思貝仲系揸住男朋友麥秋成架去偷食！

兩人入樓發現有狗仔隊仲急急腳沖入樓

第二日玩足 18 個鐘之後

周志文終於喂飽蔡思貝

跟住仲叫埋救兵過嚟解圍

兩個人嘅偷歡變成 4 個人出嚟

扮到好似唔系二人獨處一室咁

之後周志文接受採訪嘅時候承認

蔡思貝確實曾經喺佢度過夜

仲表示對蔡思貝有好感

而蔡思貝接受訪問就冇咁順攤

一聽到喺周志文度過夜嘅事

就即刻搖頭擺手笑住話

▼

「 唔答喇！唔好意思！唔答喇！」

跟住即刻關車門走人

港姐出身嘅蔡思貝

唔知點解呢幾年特別受TVB重用

凈系2016年就有三部戲系佢演嘅

但系佢出演嘅部部戲都俾人噴

之前有人做過

「 TVB 劇集有她就轉台排行榜調查 」

佢都上咗前三…

戲屎都唔單只，仲要緋聞不斷

拍一部戲換一個男朋友

人稱 TVB 「 人肉發電機 」

蔡思貝 2014 年因為電影《 狂舞派 》

同舞蹈總監麥秋成學舞撻著

拍拖拍咗半年之後

原本同屋企人住喺杏花邨嘅蔡思貝

仲偷偷搬埋去清水灣村屋同麥秋成同居

但系蔡思貝仲多次強調自己單身

喺外邊放肆亂食

兩個人仲因為咁一度傳出分手

但系後來蔡思貝曝出假學歷事件後

兩個人患難見真情

俾人放假冇工開嘅蔡思貝

亦修心養性，日日陪住男友

舊年拍《衝線》嗰陣

就俾人指出同羅仲謙有嘢

趁住部戲裡邊嘅情感戲份

玩嗮曖昧，仲成日半夜打電話俾羅仲謙

《 衝線 》拍完一段時間之後

蔡思貝同羅仲謙仲保持聯繫

跟住俾羅仲謙未婚妻楊怡發現咗

楊怡仲激到同羅仲謙解除婚約

跟住拍《 味想天開 》嗰陣

蔡思貝同洪永城又成日出雙入對

拍完戲仲成日幽會

俾人拍到佢地一齊去西貢運動

蔡思貝開嗮大髀拉筋嚟玩色誘

兩個人成日玩曖昧

一度激嬲洪永城女友唐詩詠

蔡思貝同鄭俊弘一齊拍超市廣告嗰陣

兩個人一撻即著，發姣去搶姜麗文男友

跟住仲突擊鄭俊弘嘅首次 catwalk show

親自去到後台送花俾鄭俊弘

之後仲俾人拍到兩個人

去紅館睇蘇打綠演唱會

舊年仲俾人拍去到同陳展鵬

去九龍車房整車

兩個人貼身毫不避忌

跟住陳展鵬主動幫蔡思貝試車

最後仲去陳展鵬屋企短聚

點解兩個人未合作過又咁熟？

蔡思貝解釋話

▼

「 我架車壞咗好耐，嗰日遇到陳展鵬介紹熟悉嘅車廠俾我，於是佢帶埋我去整車 」

今年六月嗰陣

蔡思貝拍新劇《心理追兇》外景時

黃淑儀嗰仔徐肇平嚟探班，跟住兩個人失蹤一粒鍾

但系事後蔡思貝表示，佢同徐肇平系姐妹

佢仲話

▼

「徐肇平、溫家偉、林師傑和麥秋成一樣，都是我好好的朋友！」

雖然蔡思貝私底下嘅生活系有 D 亂

但系點講都好啦，呢 D 都系青春

每個人都有選擇自己生活嘅權利

大家得閒八下就好

轉載請註明來源：今天頭條