老公暗裡中出 張惠雅 ，人妻陳法拉不設防引誘老公
30歲法拉，樣靚身材正，難得 3年前肯專一情歸一個男人， 08年喺美國秘嫁 Neway大少薛世恆。幕前風騷入骨嘅法拉，誓估唔到要同一個 22歲 o靚妹鬥。
棒打狐狸 法拉迫老公棄養 HotCha妹
事業得意，法拉愛情卻唔多順境。兔年新正頭，本刊踢爆 Neway大少薛世恆趁老婆法拉去美國登台作反，速會 22歲 HotCha Regen（張惠雅），事後 Regen發誓兩人冇下場，但據知一直蒙在鼓裏的正室法拉嬲到出煙，勒令老公同小花斬纜，令到本有老細睇起租住大角咀私樓的 Regen，隨即打回原形。週日慘遭棄養的 Regen，被本刊撞正素顏執拾細軟遣返東涌娘家，爆無奈頻呼：「好樣衰呀！」
坐擁家族 7億身家，在 08年秘密娶無綫花旦陳法拉的 Neway大少薛世恆，有靚老婆仲身痕，近水樓台暗交 Neway旗下的 HotCha成員 Regen（張惠雅），本刊發現 33歲薛世恆約會細佢十一年嘅 Regen，孖咇行街食甜品，大少仲用法拉專車送女返大角咀屋企再直落下場。
獨家踢爆
=見光死
本刊喺尖沙咀商場 K11發現 Regen同老闆又係法拉老公薛世恆約會，沿路二人有講有笑，仲到 PAUL LAFAYET食甜品，行咗 1個鐘，大少就揸住一向由法拉用嚟出入嘅 55萬凌志跑車送女返大角咀屋企，難怪法拉嬲到要出手嘅。
斷供斬纜
其後， Regen出席新城團拜時澄清：「我同佢（薛世恆）未入行時已認識， 16歲我參加歌唱比賽，佢簽我入佢公司，同佢好熟，嗰日提早同佢拜年，我發誓只係同佢食咗個 cake，冇下場。」
雖然 o靚妹解話，但據知當時身在美國登台的正印法拉卻非常震怒。知情者透露：「其實 Regen入 Neway後冇耐，已經成日靠嗲功親近大少，仲成日扮無知去吸引人，冇幾耐就有人見佢哋兩個（ Regen和薛世恆）單獨約會，愈玩愈埋。之前 Regen同屋企人住東涌居屋，但上年頭， Regen忽然喺大角咀租咗個 300幾呎單位，表面上 Regen話係為咗方便工作搬去九龍，但其實公司好多人都知大少好照顧佢！直至今年 2月單嘢揚咗，法拉先知兩個行到咁埋。」紙包唔住火，為咗棒打狐狸，法拉不停向老公施壓，勒令老公即時斬纜。
狼狽搬竇
遣返東涌居屋， Regen一次過將舊屋嘅衣物、電腦、健身單車等多袋雜物由親友幫手車回東涌，再獨力攬住家具喺停車場同屋企來回幾轉，手持大大部 iMac嘅佢見到記者好狼狽，仲重到要搵膝頭借力。
手擋肉酸素顏
撤離金屋
微博呻 好難受
本刊踢爆 Regen疑似係「小三」後，法拉大怒命老公同 Regen割蓆，冇老細照顧嘅 Regen被迫撤離大角咀金屋，週日=， Regen喺微博話：「要走了……好難受。」唔捨得間屋，定係唔捨得某人？
大角咀 7千 cheap租
據知 Regen得到大少眷顧多年，直至上年初，冇乜工開嘅 Regen用 7千蚊月租大角咀富新樓一個 340呎兩房單位，住得唔算豪，但勝在方便過東涌。
160萬居屋娘家
Regen搬回東涌裕東苑嘅居屋娘家、一個 700呎兩房單位，市值可達 160萬。
人手 cheap搬
Regen同親友夾手夾腳步行近 5分鐘，拎住紅白藍加幾袋雜物，冇用車仔全用人手由停車場搬去屋企樓下，等緊嘅佢周身唔自在。
阿媽睇實
2月，本刊撞破 Regen同大少約會前，曾見過 Regen阿媽買兩個飯盒去大角咀探女，兩人仲手拎幾袋蔬果、紅蘿蔔等，似係阿媽專誠入城煲湯。
二少坐穩
法拉感情多暗湧，反而 Neway二少薛嘉麟就早宣布年尾迎娶諸葛梓岐，不過諸葛話搵地方大排筵席，結果婚禮要順延至明年初。
老闆娘發功雪藏，兩個月間 Regen只間中現身兩、三個活動，冇 job冇錢，連租住大角咀愛巢都冇錢畀， Regen焗住遣返娘家東涌居屋。
「雖然大少已經脫離咗 Neway，做隱形老闆開咗間『星煥』捧自己老婆出碟，但佢同 Regen搞單咁嘅嘢出來，都令到薛家人唔多高興， Regen都唔慌有運行。佢哋工作量又唔多，搞到 HotCha都危危乎！」消息指， HotCha其他兩位成員更對 Regen和大少關係有微言，而未來發展大計，據知 Neway有意將三人分開發展，免受 Regen拖累。週日，本刊在東涌撞正佢執拾細軟，大袋二袋搬回娘家。素顏嘅佢，一見記者採訪，尷尬傻笑，又狼狽托實部大大部 iMac電腦，自嘲好樣衰。
R= Regen
F：係咪法拉嬲，所以你要搬呀？
R：嚇！（一臉錯愕）因為唔方便，同埋價錢嗰啲（屋租），所以想搬番屋企同媽咪住，又有湯飲囉！
F：法拉知你同大少啲嘢，好嬲喎！
R：嚇？唔關事喎！（不知所措）冇化妝，好樣衰呀！
F：公司雪藏你，冇 job做喎？
R：唔係……公司對我好好……好樣衰呀！
F：大少有冇……
R：（搶住答）冇呀！公司對我好好！……間屋我自己 o架！自己租 o架！自己租 o架！
係咁重複話係自己租，騰雞成咁！ o靚妹果然冇法拉咁有大將之風！
素顏搬竇
文章來源: https://www.twgreatdaily.com/cat125/node1234907
轉載請註明來源：今天頭條