伍允龍同張彥博，唔知大家覺得邊個同劉佩玥襯啲呢？

伍允龍同劉佩玥雖然傳咗好耐緋聞，但一直啲人都只當系劇集宣傳；不過當一對主角愈嚟愈親密、表情愈嚟愈一致、著曬情侶裝...仲要男方跟埋女方出席好姊妹Gathering之後，大家對佢哋嘅關係，開始起咗疑問，仲有唔少網民都話佢哋肯定已經喺埋一齊。

尋晚陳瀅就因為喺IG開心SHARE太多嘢，一時間曝露咗伍允龍同劉佩玥嘅「關係」，然後一眾網民開始瘋狂討論呢件事，除咗留言贊佢哋兩個夠曬襯，仲有人話希望劉佩玥唔會變成第二個鍾嘉欣：「希望不是宣傳，又希望不是第二個鍾小姐。他們確是很襯，下個劇會否再演鬥氣情侶？期待。」換言之即系希望劉佩玥同伍允龍修成正果啦。另外，因為之前張彥博唱歌冧「女神」劉佩玥都吸引咗網民嘅眼球，有唔少網民仲留言戥張彥博唔抵，兼且留言：「同細寶張彥博襯啲喎！」

喺全城對呢段「玥龍戀」議論紛紛之除，呢個時候，主角之一嘅伍允龍竟然玩自首（定系自爆呢），佢喺社交網上載同劉佩玥、陳瀅同何雁詩嘅合照，雖然佢同劉佩玥中間夾咗個何雁詩，但系觀乎劉佩玥冧到震嘅笑容，好難令人唔覺得佢繫戀愛中嘅女人咯。伍允龍仲留言：「三個女仔一個貓仔（伍允龍新劇中嘅乳名）」，搞到網民情緒再度失控，大讚佢哋Sweet之餘，仲話只有男、女朋友，先會去朋友嘅聚會喎。

喺全城議論紛紛之際，伍允龍突然喺自己ig上載合照，當你公開戀情㗎！

伍允龍留言。

劉佩玥嘅眼神，又真系幾易令人誤會嘅。

喂！好閃呀！

轉載請註明來源：今天頭條