孫 耀威同陳美詩（Macy）拍拖近7年屢傳婚訊，不過同居情侶依然未有結婚計劃，繼續拖住先啦！自美詩BB被凍齡老孫私有化後，女友近年索性唔撈，等男友 養。而老孫吸金力咁強，亦唔介意獨力搵錢與美詩公主兩份使。日前傍晚，43歲的美魔男孫耀威偕美詩BB去銅鑼灣shopping。二人分頭睇鞋，話咁快就 買滿兩袋。一向疼錫美詩公主的孫耀威仲超Man「力王」上身，雙手發力挽鞋，好讓公主女友兩手輕鬆fing fing，keep住靚樣優雅上車。

早 前，美魔男孫耀威開拍新電影《我們的6E班》時大爆，在內地的餐廳及酒吧生意勁蝕千萬，今年決定撤走內地，將所有生意及事業重心「回歸」香港。仲話手頭上 有七個劇本，由實驗電影到賀歲片都有，希望可以做導演。未來會出廣東歌及開設時裝店的孫耀威，被問到回港發展是否有結婚打算時，強調仍未系時候做老襯，咁 35歲嘅美詩BB，唔該再等嚇先啦！

日 前傍晚，戴帽孫耀威與女友Macy落銅鑼灣行街。二人戀情好公開，但出街依然保持距離。兩人入I.T分頭睇鞋，見老孫專揀厚底或短筒Boots。速睇一 輪，就搵店員攞Size，一對兩對三對，都唔夠！要一口氣試足四對。而長發淡妝美詩BB亦獨自在女裝鞋部試鞋，不過女友無咁「花心」，睇嚟睇去都只系鍾情 一對黑白色厚底鞋，試完即撲鎚買，專一性格同愛情一樣，七年來一條心蘿！

約友食糖水

逗 留半小時，孫耀威買左幾對鞋和黑超等埋單走人，然後好Man咁雙手拎曬戰利品返車；隔幾個身位才見白雪雪的美詩BB拎住手機，輕鬆上車。兩人由女助手接載 離開去開餐。接近十二時，老孫二人又現身跑馬地蓮園食糖水，似系同導演好友Jacky Lee傾完公事再歎甜品。一行四人在店內有講有笑，最後孫耀威爭住請客。離開時，老孫二人先由女助手接載至旺角，女助手下車走人，改由Macy揸車與愛郎 返回深井愛巢。

文章來源: https://www.twgreatdaily.com/cat125/node1226049

轉載請註明來源：今天頭條