曾經話過要無限期退出香港娛樂圈嘅陳冠希，最近喺網上大鬧林志玲，其實佢瘋狂事件又點止一單兩單呢?

2003年，有傳陳冠希同餘文樂因為爭奪鍾欣桐而鬧不和，仲喺當年嘅《十大勁歌金曲頒獎典禮》後台起衝突，互相用粗口「問候」對方，有傳余文樂更挑戰陳冠希，話要同佢「隻揪」，陳冠希聽到仲即時衝下車，最後多得工作人員即時將佢兩位拉開，事後兩個當然唔認有呢件事啦，而當年鍾欣桐都無認同佢哋拍拖嘅……

2007年，陳冠希揸車返屋企時，同一位的士司機發生口角，仲好激動咁踢人地架的士。最後佢向的士司機作出賠償，獲控方不提出起訴，守行為12個月。

2008年，發生香港開埠以嚟最震驚娛樂圈嘅事－淫照風波，曾經有傳牽涉過百女星，圈中人人自危。隨後，佢喺記者會上宣布將無限期退出香港娛樂圈，向海關舉報侵權相片。

2011年，陳冠希同o靚模謝芷蕙 (Cammi) 拍拖，仲流出不少親熱照。

查看相片

2012年，陳冠希得到品牌公司贊助，參加馬拉松全馬比賽。結果公布佢用四個鐘完成賽事。但係有眼利網民發現，佢身上掛嘅A5654號碼布，參賽者姓名唔係佢本人，而係Chan Hon Pang。

最後陳冠希就話自己因為貪玩同隊友互調號碼布，但大會都係唔接受解釋，最後佢被大會取消資格。

2015，創出網絡潮語：U seem like fun。一個加拿大溫哥華女網民指陳冠希用Instagram私聊佢，第一頭就同人講: U seem like fun。結果網民即刻去陳冠希Instagram瘋狂洗版，除咗有 U seem like fun，仲有「U seem tree gun鍾樹根」、「易D生根」、「預先拉根」等等。

查看相片

2016年，反拍記者兼俾中指。記者喺酒店外追訪陳冠希，問佢係咪同秦舒培拍拖，陳冠希用手機反拍記者，仲想阻止記者影相，又舉中指，場面十分混亂。

2016年，繼續係2016年，35歲嘅陳冠希透過Instagram發表新歌《又去約砲》，唱盡自己心聲，成首歌有一半歌詞都係呢四個字：又去約砲。睇怕佢一心轉形，想用壞中佬加瘋狂嘅形象殺出重圍。

轉載請註明來源：今天頭條