無綫劇集《城寨英雄》早前彈出個「超能煞姬Lucy欣」（胡定欣）雙刀萬斬一個打廿個，不過原來呢個世界真系沒有最勁只有更勁，當連「Lucy欣」噚晚嗰集都畀大佬春美哥（吳家樂）打到一仆一碌陰公豬之際，就有一位女高手幾招就打死春美哥，呢位就系花曼（王君馨）！

花曼噚晚同「Lucy欣」一樣以一身「黑寡婦」裝扮現身，仲幾招就打死咗全劇人打咗18集都打唔贏嘅春美哥，仲一把火燒埋佢條屍！嚇？咁就打死咗？網民話：「既然佢咁好打，做乜唔一早出手，又要埋春美哥身邊做無間道，搞咁多嘢做乜？」咦...系喎，好似又有啲道理，不過如果系咁套劇就第一集就全劇終啦，邊有咁多爆肌睇？咁依家春美哥死咗，套劇又未完，識睇嘅都知好明顯系有個大大佬未出，到時大家又有得睇班主角「超能覺醒」，下一個會唔會系細細個畀人打到傻咗嘅小智呢？你知啦，呢啲嘢真系好難講架嘛！

蛇腰屈機

另外，TVB今日喺Facebook上載咗一張《城寨英雄》攻擊力指數圖，雙刀萬斬「Lucy欣」嘅攻擊力只有400-600，而爆肌牙佬（袁偉豪）同爆肌貓仔（伍允龍）都系得250同300，反而拳佬（陳展鵬）喺一般形態下只系得100，但系喺危急狀態下使出絕招時，攻擊力指數上到1000！冇辦法啦，主角打不死呢啲，你懂的！

而幾招打死春美哥嘅花曼呢？一般狀態下佢就有250攻擊力，而系危急狀態嘅攻擊力指數就冇寫幾多，只系寫住「超強」（搖骰時能將所有宅男KO），咁到底佢有幾勁？有玩《Pokémon GO》嘅都知，真心勁嘅小精靈，通常個CP值都系「CP？？？」，而且網民話唔理佢幾勁，睇住佢條20.5吋腰打功夫，已經可以即刻心甘命抵畀佢打死，咁仲有邊個夠佢打？

網民有話兒

打咗春美哥十八集，都打唔羸。

點知花曼一出手就打贏。

個樣勁狠！

打呀！

勁好打！

頭骨都爆埋。

。。。。。

估唔到春美咁易畀打輸。

歐瑞偉身份神秘，到底佢會唔會系大Boss呢？

呢個角色關係圖，系咪令你更想追個結局呢！

由視後胡定欣、陳展鵬、袁偉豪、王君馨等主演的話題劇集《城寨英雄》即將進入結局周，劇情愈來愈緊湊，雖然近日有各種版本的劇透流出，但監製文偉鴻一律否認傳聞，但就溫馨提示各位劇迷準備定紙巾喎！

除了一眾角色生死備受關注外，各演員帶畀觀眾嘅各種激烈身體碰撞，都系劇集引人入勝嘅地方。監製文偉鴻就喺社交網放出一眾角色關係圖，上面註明各人戰鬥力外，仲有多位神秘反派。到底傳言中嘅歐瑞偉會系波士定卒仔？觀眾就要密切留意喇！

除了即將登場嘅神秘角色，接落嚟幾集都會交代重要劇情，到底「朝霞」王君馨會否繼續復仇，將魔爪伸向張國強？離開城寨嘅「刁蘭」胡定欣，又會否因為思念展鵬而返回城寨呢？想知就要繼續追追追喇。

文章來源: https://www.twgreatdaily.com/cat125/node1224074

轉載請註明來源：今天頭條