探熱針
早前馬明同陳展鵬曾經合作過《廉政行動 2016》。
馬明扭計未續約 陳展鵬硬搶做男一
《城寨英雄》有收視有口碑，是近年大台劇集難得一見！省到公司招牌，作為男一的陳展鵬，更是最大得益者。據知這劇監製文偉鴻九月會開拍新劇《同盟》，原本安排了馬國明擔任男主角，拍住過氣情人胡定欣，但因為拖住唔續約，加上《城寨》收得，馬明最終出局，換上陳展鵬；並加入一班《城寨》演員，希望食住個勢，再下一城。
用《城寨》班底
大台劇集，唔係冇人提，就俾人插爆！難得《城寨英雄》口碑收視雙贏，最高收視有三十一點，幫公司一洗污氣，該劇監製文偉鴻，亦是《使徒行者》電視版監製兼電影版導演，瞬間成為新一任金牌監製，大台小生花旦，爭住和他合作。
今年陳展鵬受到大台催谷，剛剛才拍完《乘勝追擊》，拍攝時有專人服侍，幫佢梳鬚。
下個月，文偉鴻將會開拍新劇《同盟》，男主角一早定了馬國明，夥拍過氣女友胡定欣，但當陳展鵬知道文偉鴻開新劇，立即自薦，爭做男一。
阿 Jazz（文偉鴻）同煎 Pang喺《城寨》合作得好開心，佢唔介意再用煎 ，不過之前度好係用馬明，所以佢心大心細；但煎 好進取，成日
陳展鵬視《城寨》係代表作，所以不斷游說文偉鴻用《城寨》班底拍新劇《同盟》，據知除了胡定欣外，仲有多位《城寨》演員有份演出。
文偉鴻近期無論電視同電影作品，都有唔錯口碑，有唔少人爭住要合作。
馬明套《為食神探》同陳展鵬套《巨輪 II》同日推出，但受重視程度就明顯大細超。
轉載請註明來源：今天頭條