今屆里約奧運開始得有啲雷聲大雨點小，頭幾日似乎缺乏話題，不過隨住游泳項目展開，香港人嘅興趣返曬嚟喇！因為香港泳隊同中國泳隊分別都出現兩位話題女泳手，一位係顏值極高嘅歐鎧淳；而另一位就係傻大姐傅園慧。其實兩位分別都代表兩種截然不同嘅女仔，各有賣點各有捧場客，A餐B餐你哋又點揀？

A餐：歐鎧淳

自從開幕式作為港隊持旗手，顏值震驚海外，連外國媒體都高度關注，更惹來唔少外國網民起底，被喻為「東方維納斯」，健康高佻身型加上Sweet爆笑容，一笑傾人城，再笑傾人國。歐鎧淳現年24歲，專項為自由式同背泳，已經係港泳隊常客。除咗游水叻，連讀書都好好成績，中學讀名校嘉諾手撒聖心書院，會考23分，被美國加州柏克箂大學錄取。不時仲喺個人社交網站大曬同男友嘅生活點滴，好識氹男友，Sweet爆！

B餐：傅園慧

原本今屆中國隊女神應該係同樣顏值極高嘅劉湘，從來未有人留意到傅園慧，但因為CCTV嘅賽後訪問，佢嘅表情極多元化、跨張而且率真，加上用埋「洪荒之力」、「可能我的手太短了吧」嘅言詞，喜感十足！影片隨即被傳閱，連笵冰冰、陸毅等國內名人都轉發，點擊超過4千萬次，被網民形容為「表情天后」傻大姐。傅園慧自5歲開始習泳，10歲已經贏咗唔少國內公開賽，加入國家隊後亦都贏咗唔少國際賽，被喻為新一代希望。私生活方面，目前仍單身。事後各大媒體都搵番佢之前嘅受訪片段，果然全部都係極度直率嘅對答，名副其實傻大姐！

文章來源: https://www.twgreatdaily.com/cat125/node1222012

轉載請註明來源：今天頭條