內地男星王寶強與結婚七年嘅太太馬蓉搞離婚，原因系太太同自己經理人宋喆有「婚外不正當兩性關係」；雖然事件女主角馬蓉今朝作出反擊，告王寶強名譽侵權，但大批內地網友仍一面倒力撐王寶強。

內地唔少商戶，為咗撐王寶強，仲自發性發起咗個折扣優惠，話凡系個名有「王」、「寶」、「強」是但一個字，無論去網吧、食飯同埋買鞋，一律有折扣。最誇張系有內地網吧同餐廳，分別話如果顧客個樣生得似王寶強同個名叫王寶強嘅話，可以成張單都唔使錢，真系講你都唔信。佢哋仲話希望用「小小力量」，嚟支持王寶強喎！

咁樣做優惠，咁樣嚟撐人，各位港人又諗唔諗得到！而且仲肯畀「王寶強」免費，確係豪喎！

咁啱叫「王寶強」嘅弟兄，買三送一呀！呢個時候真系唔怕生壞命咯...

呢間網吧就話只要個樣似王寶強，都可以免費，但呢樣嘢好主觀㗎喎。

到底應該系王寶強多謝各位咁支持，定系個名有「王」字、「寶」字、「強」字，又或者有齊三個字嘅人，向離婚主角王寶強講多謝呢？

文章來源: https://www.twgreatdaily.com/cat125/node1220152

轉載請註明來源：今天頭條